عهفرین .. ناسنامه ژ عهرهبان ره تێن دهرخستن
رێخستنا ماڤێ مرۆڤان ل عهفرینێ دوه 14 بهرچله 2019ان راگهاند كو حكومهتا توركیێ بانگ ل ئهنجومهنێن خوهجهی ل ناڤهندا عهفرینێ و ناڤچهیێن وێ كریه كو دهست ب دهرخستنا كهرتێن ئهلكترونێ یێن كهسایتی ژ خهلكێ رهسهن و عهرهبان ره بكن كو ئهو كهرت وهك ناسنامهێن كهسایهتی تێنه ناسكرن و دۆسه وبهلگهێن سڤیلان ئانگۆ سجل مدنی ب وهلایتا هاتاێ یا توركیێ ڤه گرێبدن .
ل گۆر رێخستنا ناڤبووری كو مهبهست ژ دهرخستنا ناسنامهیان بجهكرنا عهربێن كو هاتنه ههرێما عهفرینێ یه وئهو عهرب وهك خهلكێ رهسهن وهرن هژمارتن وب وێ یهكێ عهربێن هاتنه عهفرینێ جارهكه دن ب ڤهگهرا مال وملكێن خوه ههزر نهكن و ئهو گاڤ ببه گاڤا یهكهم ژ گوههرتنا دهمۆغرافییا عهفرینێ و راوهنكرنا وێ ل گۆر یاسا وبریارێن حكومهت توركیێ به.
ژ ئالیێ خوه ڤه چالاكڤانهكی كورد ژ عهفرینێ نهخوهست ناڤێ وی وهره ئهشكهرهكرن ژ ئاركێ ره راگهاند كو بریارێن وسا دكهڤه خزمهتا گوههرتنا دهمۆغرافییا عهفرینێ وب سهدهما ههلمهتێن تهعریبكرنێ كو ژ ئالیێ گرووپێن چهكدار و حكومهتا توركیێ هاتیه سهپاندن و ئانین وپێشوازیكرنا چهكدار ومالباتێن وان ڤه ئهو ههلمهت هشت كو كورد ببن كێم نهتهو و عهرب ببن دهسههلاتدار وپر نهتهوه .
وی چالاكڤانی د رێیا ئاركێ ره بانگ ل رێخستنێن جیهانێ و مرۆڤی كر كو دهستێوهردانێ بكن وههلمهتێن گوههرتنا دهمۆغرافی عهفرینێ راوهستینن ههروهها بانگ ل دهربدهرێن كورد یێن ل ناڤ كامپێن ده كر كو جارهكه دن ڤهگهرا عهفرینێ ودهست ژ كامپان بهردن ژ داكۆ ناسنامهیا كوردی یا عهفرینێ وندا نهبه وعهفرین ژ كوردایتییا خوه نهیێ خوار.
ش.ع
568