بەرپرسەكی دن یێ سووریێ: رێكەفتنەكە نوو دناڤبەرا رێژیما سووریێ وپەیەدێ نیزیك بوییە

پشتی كو جیگرێ وەزیرێ دەرڤە یی سووریێ فیصل مقداد هیڤیا خوە دەربارێ رێكەفتنەكێ نوو دناڤبەرا رێژیما ئەسەد وپەیەدێ دە،دەربراند. دوه رۆژا یەكشەممێ بەرپرسەكی دن یێ سووریێ ژی نیشانا نیزیكبوونا رێكەفتنێ دناڤبەرا هەردوئالییان دە داخویاكرن.

فیصل مقداد د ڤی داویێ دە، ژبۆ نەهشتنا مەترسییا ئیریشێن توركێ، هیڤیا خوە ژبۆ ئمزەكرنا ریكەفتنەكە نوو دناڤبەرا پەیەدی ورێژیمی دە ئانی بوو زمان.

جێگرێ وەزیرێ دەرڤە یێ سووریێ، ئەشكەرە كر كو ئەو گەلەكی ژ پەیەدێ نە باوەرە لێ د دەما نها گرۆپێن چەكدار مینا پەیەدێ كو خوە بەشەكێ ژ سووریێ ومللەتێ وێ دبینن ، ئەڤ یەك تشتەكی باشە وجهێ هیڤێ یە وئەم پشتەڤانیا ڤان دەستە و گرۆپان دكن دەما كو راستگو بن د دانووستاندنێن خوە دە ب رێژیما ئەسەد رە ، ژبەر كو چ ئەلتەرناتیڤێ دن پێشییا وان نینە.

هەر د ڤێ دەربارێ دە، ئالیكارێ وەزیرێ دەرڤە یێ سووریێ ایمن سوسان ژی گۆتبوو كو حكومەتا سووریێ ب هیڤییە كو دانووستاندن ب ڤان گرۆپێن كوردێن سووریێ رە پر ببن و رێژیم ب پەیەدێ رە بگهە رێكەفتنێ.

ژ خوە پەیەدێ هەولێن خوە ژبۆ رۆسیی ومسرێ گربوون داكو دانوووستاندێن وان ب رێژیما ئەسەد رە بهێزتر بكە و ڤالەهییا پشتی بجهكرنا بریارا ڤەكشانا هێزێن ئەمەریكێ داگرە ، لێ هەتا نها رێژیما ئەسەد چ سۆزێ د ڤێ دەربارێ دە ب ئاوایەكی ئەشكەرە نە دایە پەیەدێ .

ر.ع

403