پەكەكە چالاكیێن خوە ل سلێمانیێ گورتر دكە
آرك نيوز..ئالیگر وگرووپ ورێخستنێن سەر ب پەكەكە ڤە ل باژارێ سلێمانیێ خوەپێشاندانەكە نەرازیبوونێ ئەنجام دان , ودژاتیا خوە ژ بۆ دەستەسەركرنا ئەندامێن تەڤگەرا ئازادیا جڤاكا كوردستانێ كو گرووپەكە ب سەر پەكەكە ڤە نیشان دان .
مەدیایێن خوەجهی یێن باژارێ سلێمانیێ بەلاڤكرن كو تەڤگەرا ئازادیا جڤاكا كوردستانێ ب ناڤێ مالباتێن دەستەسەركریێن تەڤگەرا ئازادیا جڤاكا كوردستانێ خوەنیشاندانەكە ل پێشیا بارەگەهێ ئاساییشا سلێمانیێ ئەنجام دان , وتێدە داخوازا سەربەست بەردانا دەستەسەركریێن سەر ب پەكەكە ڤە كرن .
هەروەها د خوەپێشاندانێ دە تەڤگەرا ئازادییا جڤاكا كوردستانێ داخواز كرن كو سەدەما دەستەسەركرنا ئالیگرێن وان وەرە خویاكرن كو بووە دەما 4 رۆژان ژ ئالیێ ئاساییشا سەر ب یەكیتی نشتیمانی كوردستان ڤە هاتنە دەستەسەركرن .
تارا حوسێن د لێدوانەكێ دە ئەشكەرەكر كو ئەوێ یەكیتی نشتیمانی كوردستان ل هەمبەر تەڤگەرا ئازادیا جڤاكا كوردستانێ دكە , كارەكە شاشە , ویەكیتی وێ باجێ بدە .
تارا حوسێن هێڤی كر كو یەكیتی نشتیمانی كوردستان دەڤ ژ ڤی كارێ بەردە , وگوه نەدە گۆتنێن توركیا , وتەكەز كر كو تەڤگەرا ئازادیا جڤاكا كوردستانێ وێ د چالاكیێن خوەدە بەردەوام بە , وئەو ئامادەنە ژ بۆ هەر دەرئەنجامەكێ .
بەریا چەند رۆژان بەرهەم صالح وەكە نوونەرێ یەكیتی نشتیمانی كوردستان سەردانا توركیا كر , ول گەل توركیا رێككەت كو یەكیتی نشتیمانی كوردستان وێ تەڤایا بنگەهێن تەڤگەر , رێخستنێن سەر ب پەكەكە ڤە ل سنوورێ پارێزگەها سلێمانیێ دابخە , ولگۆری رێكەفتنێ یەكیتی نشتیمانی كوردستان وێ بهتر ژ 35 بارەگەهان دابخە .
ز.ح
477
