پنتاغۆن: ڤەكشانا هێزێن ئەمریكی ژ سووریێ ب پلان تێ كرن

پنتاغۆن: ڤەكشانا هێزێن ئەمریكی ژ سووریێ ب پلان تێ كرن

Jan 14 2019

آرك نيوز..بەردەڤكێ وەزارەتا بەرەڤانیا ئەمریكا دبێژە تەڤگەر ب هێزێن ئەمریكی یێن ل سووریێ نەهاتیە كرن , وهیزا ئەو هێزێن د بنگەهێن سەرەكە دەنە , ووەزارەتا بەرەڤانیا ئەمریكا ڤەكشانا هێز ل گۆری كو ژێرە هاتی پلانكرن ئەنجام ددە .

كۆماندۆز شۆن رۆبرتسۆن بەردەڤكێ وەزارەتا بەرەڤانیا ئەمریكا راگەهاند كو ئەمریكا لەزێ د ڤەكشانا هێزێن خوە ل سووریێ ناكە , وپلان ژ بۆ ڤەكشانا هێزێن ئەمریكی ل گۆری گوهارتنێن ل سەر عەردێ , وگۆتووبێژیان ل گەل هەڤپەیمانێن ئەمریكا هاتیە دارێژتن , وئەمریكا پابەندە ب وێ پلانێ ڤە .

هەروەها كۆماندۆز شۆن رۆبرتسۆن گۆت كو هێزێن ئەمریكی دەست ب ئامادەكاریێن ڤەكشانێ ژ سووریێ كرنە , ئەوژی بێ كو دەمێ ڤەكشانێ دەست نیشان بكە , وتەكەز كر كو ئەمریدا وێ بەردەوام بە د پێشكێشكرنا پشتەڤانیێ دە ژ بۆ هەڤپەیمانیا ناڤدەولەتی ل سووریێ.

بەردەڤكێ وەزارەتا بەرەڤانیا ئەمریكا دبێژە كو چەند رێكارێن لۆجستی ژ بۆ پشتەڤانیكرنا ڤەكشانێ هاتنە كرن , وهەتا وەكە نها تو بەلاڤبوونەكە نوو ب هێزێن ئەمریكی نەهاتیە كرن , وئەمریكا وێ ل گەل هەڤپەیمانێن خوە د شەرێ دژی داعشێ دە بەردەوام بە تاكو رێخستنا تیرۆرستی یا داعشێ وەرە ژناڤبرن.

بەردەڤكێ وەزارەتا بەرەڤانیا ئەمریكا تەكەز كر كو ئەركێ هێزێن ئەمریكی وهەڤپەیمانیا ناڤدەولەتی ل سووریێ نەهاتیە گوهارتن , وئەو ئەركێن كو پێ هاتبوونە راسپارتن وێ جه بجه ببن .

وەزارەتا بەرەڤانیا ئەمریكا بنتاغۆن بەریا نها راگەهاندبوو كو ژمارەیەك هێزێن ئەمریكی یێن نوو بەرەڤ سووریا ب رێكەتنە داكو ئالیكاریێ د پرۆسەیا ڤەكشانا هێزێن ئەمریكی دە پێشكێش بكن , وپرۆسە ب سەلامەتی وەرە ئەنجامدان , هەروەها بنتاغۆن ئەمریكی گۆتژی كو كەشتێن جەنگی یێن ئەمریكی ئاراستەی سووریێ هاتنە كرن داكو بەشداریێ د پرۆسەیا ڤەكشانێ دە بكن .
ز.ح

318