هەڤپەیمانییا نشتیمانی یا ئۆپۆزسیۆنا سووریێ داخویانیەك بەلاڤ كر

دەستەیا گشتی یا هەڤپەیمانییا نشتیمانی یا هێزین شۆرەشی و ئۆپۆزسیۆنا سووریێ جڤینا خوە یا سالەنە هەردو رۆژێن شەممی ویەكشەممێ (12-13.1.2019)ل دارخست ورۆژەڤا هەڤپەیمانیێ ودەستەیێن وێ و دەستەیا دانووستاندكارا سووریێ و رەوشا سیاسی و رەوشا هندورێ سووریێ گۆتووبێژكرن و رەوشا سووریێ پشتی بریارا ڤەكشانا هیزێن ئەمەریكی بەشەكی گرنگ ژ كارنامەیێن جڤینا وان بوو.

هەڤپەیمانیێ داخویانیەكە د داوییا جڤینا خوە یا ساللانە دە بەلاڤ كر وتێدە بەحسا كارنامەێن جڤینی ب تەمامی هاتە كرن وگرنگی دا بریارێن دەستەیا سیاسی دەربارێ رەوشا هندور یا سووریێ و چەند بریار ژی ستاندن ژبەر بنگەها كاری هەڤپەیمانیێ كاری هندور رە و رەواتییا خوە ژ شۆرەشا سووریێ دبە و نوونەراتییا مللەتی سووریێ دكە و ئیرۆ رۆژ مللەتی سووریێ وشۆرەشا سووریێ د رەوشەكە ئالۆز و پرزەحمەت دە دەرباس دبە، لەوما دەستیا گشتی یا هەڤپەیمانیێ ب كویرایی ل سەر راپۆرتێن كو ژ هوندر هاتنە راوەستیا.

دەستەیێ بەحسا داوین پێشهاتەێن ئدلبی كر و باندۆرا تشتێن كو هیئة تحریر الشام ل ناڤچەیێ دكە و كۆنترۆلكرنا وێ ژ ناڤچەیێ رە وشەرێ وێ بگرۆپێن چەكدار رە ، ژبەر كو ئەو گرۆپ تەرۆری یە ودڤێ چارەسەریەكە بنگەهینی ژێ رە وەرە دیتن و ب تەمامی هەبوونا وێ ل ئدلبێ ژكۆكێ ڤە ببرە، ورێ ل پێشییا رێژیمێ و رۆسان و ئیرانێ بگرە ب مهانەیا وێ تەڤاهییا ناڤچەیێ بشەوتینە د ئاگرێ تەرۆرا هیئة تحریر الشام دە.

سەرۆكێ هەپەیمانیێ عبدالرحمن مصطفی و الدكتور نصر الحریری سەرۆكێ دەستەیا دانووستاندكارا سووریێ بەحسا كاروچالاكیێن خوە یێ سەرۆكاتیێ كرن و الدكتور نصر الحریری شرۆڤەیەكە سیاسی دا داوین پێشهاتەیێن سیاسی ل سەر ئاستێ هەرێمی و ناڤدەولەتی و رەوشا كۆمیتا دەستۆرێ وپێشەرۆژا وێ وتەكەزی ل ڤەگوهەستنەكە سیاسی ل گۆر جڤینێن جنیڤی و بریارا ئەنجومانا ئەولەهیێ كر و پێشوازیێ ل گۆتارین ئەمیندارێ گشتی یێ نەتەویێ یەكگرتی و ناڤبیناكرێ ناڤدەولەتی وشاندەیێ نوو یێ نەتەوێ یەكگرتی ژبۆ سووریێ كر و گۆت دڤێ كۆمیتا دەستۆرێ دەست بكاری خوە بكە و دڤێ ئیدی ڤەگوهەستنەكە سیاسی و هلبژارتن ژی وەرە ئەنجام دان .

ر.ع

430