فهرهنسا: شهرێ داعش ل سووريێ بداوى نههاتيه
وهزیرێ دهرڤه یێ فهرهنسا راگهاند كو شهرێ داعشێ ل سووریێ هین بداوى نههاتیه ودیاركر كو ئارمانجا سهرهكه یا فهرهنسا ئهوه ژناڤبرنا رێخستنا تیروریست ژ دهڤهرێ .
وهزیرێ دهرڤه یێ فهرهنسا جان ئیف لودریان د كونگرهكى روژنهمهڤانى ده ل گهل ههفشانێ خوه یێ ئوردنى ئهیمن السفدى دیاركر كو شهر بداوى نههاتیه ژ بهر كو هین دو شهر ههنه یهك ل دژى داعشه وهین بداوى نههاتیه و ئهو كهسێن دبێژن كو داعش ژناڤبرنه ئهو شاشن , وشهرهك ناڤخوهیى ههیه وجار جاران ههردو شهر تێكهل دبه .
لودریان د بهردهوامیا ئاخافتنا خوه ده ئهشكهره كر كو ئارمانجا وهلاتێ وی یا سهرهكه ژناڤبرنا داعشێ یه ودیاركر كو بدهستخستنا ئارامیهك دور ودرێژ ل روژهلاتا ناڤین پیویستیا وێ ب ژناڤبرنا تهرورێ یه .
لودریان سهرباركر وگوت كو ئهوێ بهردهوام بن د ههولێن خوه ده ژ بو چارهسهركرنا كریزا سووریێ ل گوری بریارێن ئهنجومنا ئهولههیا ناڤدهولهتى هژمارا 2254 كو ل گورى ئاخافتنا وى ئهو بریار بتهنێ ئهگهر ههیه كو وهره جیبهجیكرن .
لوردیان ئهشكهره كر كو چارهرسهریا سیاسى ریا تهكانه یه ژ بو ڤهگهرا پهنابهرێن سووریێ ل سهر مالێن خوه ودیاركر كو بدهست خستنا ئارامیێ ل سووریێ بتهنێ ب ریا هلبژارتنێن ئازاد تێ كو ملهتێ سووریێ چارهنڤیسا خوه هلبژێره .
د داویا ئاخافتنا خوه ده لودریان سهرباركر وگوت كو پیویست ههمو كهلێ سووریێ بهشداریێ د دهنگدانێ بكن ئهگهر هات لدارخستن ژ بهر كو ئهڤ پێشهروژا وانه وپیویسته ههمو ملهتێ سووریێ ئهگهر دهربهدهر بن یان پهنابهربن بهشدار بن د هلبژارتنا پێشهروژا وهلاتێ خوه .
246