4 ئێریشێن ئیسرائیلی ژ دهما دهرباسبوونا مووشهكێن S-300 هاتنه پێكئانین
ژ مژدرا سالا 2018 ان ژ دهما كو موشهكێن ژ جورێ ئیس 300 دهرباس سووریێ بوونه 4 جاران بارگهێن لهشكهری پرانییا وان ل دهردۆرا شاما پایتهختا سووریێ بوون ژ ئالیێ هێزێن ئیسرائیلێ ڤه هاتنه ئارمانجكرن یا ههری داویێ ئینا بووری د 11 چلهیا سالا 2019ان بوو.
پشتی راگهاندا دهرباسبوونا هێزێن بهرهڤانییا ئهسمانی یا رووسی ژ بۆ سووریێ چالاكیێن ئهسمانی یا ئیسرائیلێ ب شێوهیكی دهمكی هاتن راوهستاندن وپشتی ههیڤهكێ دهست ب چالاكیێن خوه كرن ژ وان چار جارێن كو ئیسرائیلێ بارهگه ل سووریێ كرنه ئارمانج ئیریشا ههری مهزن د 29 مژدارا 2018 ان دهبوو و بارگههێن لهشكهری ل كسوه ودیماس یێن دهردۆرا شامێ راستی وێ ئیریش هاتن .
ل گۆر مالپهرا دیبكا یا ئیسرائیلی كو ئهو ئیریش مهزنترین ئیریش ب مووشهكان ژ ئالیێ ئیسرائیل ڤه هاتیه پێكانین تێده مووشهكێن زهڤی زهڤی وجورهك بناڤێ تاموز و لۆرا هاتن بكارئانین دهدرۆرا 75 خولهكان بهردهوام كرو 15 بارگههێن پاسدارێن ئیرانێ و حزب الله كرن ئارمانج .
.
ههروهها ئیریشا ل سهر بالافرخانهیا شاما ناڤدهولتی یهك ژ وان ئیریشانه كو د 9 بهرچلهیا 2018 ان هاته پێكئانین و راگهاندنا رێژیما سووریێ دان ب وێ یهكێ كر و گۆت كو بهرهڤانییا وان بهرسڤا وان ئیریشان دانه لێ پشتی دهمهكه كورت ئهو نووچه رهش كر.
ئیریشا سییهم ژ خاكا لوبنانێ ل سهر هن باراگههان ل شامێ هاته تۆماركرن وبهرهڤانییا رووسیێ د 25بهرچلهیا سالا بووری راگهاند كو هێزێن ئیسرائیلێ شهش ئیریش ژ خاكا لوبنانێ پێكئانینه و راگهاندنا رێژیمێ ب تهنێ گۆت كو بارگهها تهقهمهنییان هاتیه ئارمانجكرن وسێ ژ چهكدارێن وان بریندار بوونه لێ جهێ وێ دیار نهكر .
یهكهمێن ئیریش د سالا نوو ده 2019ان د 11 چلهیێ ده بوو تێده سێ بارهگهێن لهشكهری ل نێزیك شاما پایتهختا سووریێ ل نهخوهشخانهیا داریا ل رۆژئاڤایێ شامێ هاتنه ئارمانجكرن كو د وێ نهخوهشخانهیێ ده ئهمبارهك مووشهكان سهر ب فۆجا 555 هاته ئارمانجكرن .
ش.ع
480
