ده‌مه‌ستۆرا: ئه‌م رێ نادن كو باشوورێ سووريێ ببه مينا غووتايا رۆژهلات
ArkNew :شانديێ ناڤده‌ووله‌تي ژبۆ سووريێ ستيفان ده‌مه‌ستۆرا راگهاند كو ئه‌وو رێ نادن كو باشوورێ سووريێ ببه مينا غووتايا رۆژهلات ,وه‌كه ئاماژه‌يه‌كێ ب بلندبوونا ئاستا پرۆسه‌يێن له‌شكه‌ري ل ده‌ڤه‌رێ
د چارچۆڤه‌يا جڤينه‌كه ئه‌نجوومه‌نا ئه‌ووله‌هيا ناڤده‌ووله‌تي ده ل جه‌نێڤێ شانديێ ناڤده‌ووله‌تي ژبۆ سووريێ ستيفان ده‌مه‌ستۆرا ته‌كه‌زكر كو ئه‌وو رێ نادن كو باشوورێ سووريێ ببه مينا غووتايا رۆژهلات ,سه‌رباري كو بلندبوونا ئاستا پرۆسه‌يێن له‌شكه‌ري ل باشوورێ سووريێ وێ نه‌ئاراميه‌كێ ل ده‌ڤه‌رێ ئه‌نجام بده
ده‌مه‌ستۆرا سه‌رباركر كو زێده‌تر ژ پێنجي هه‌زار كه‌س ژبه‌ر شه‌ر ژ رۆژهلاتي ده‌رعايێ كۆچبه‌ري ده‌ڤه‌رێن سينۆري ب ئوردونێ ره بوونه
ده‌مه‌ستۆرا ئامه‌ژه ب وێ يه‌كێ كر كو ترس هه‌يه كو بلندبوونا ئاستا پرۆسه‌يێن له‌شكه‌ري ل باشوورێ سووريێ باندۆر‌ێ ل سه‌ر چاره‌سه‌ريا سياسي ل سووريێ بكه و داخواز ژ هه‌موو ئاليێن ب ڤێ پرسگرێكێ پێوه‌نديدار كر كو هه‌مي ريێن هه‌يى بۆ راوه‌ستاندنا شه‌ر و دووركرنا سڤيلان ژ شوونمايێن شه‌ر و په‌ڤچوونان بكاربينن.
ده‌ربارێ كۆميته‌يا ده‌ستوورا سووري ستيفان ده‌مستۆرا گۆت كو حكوومه‌تا سووريێ ناڤێن نوونه‌رێن خوه ژبۆ كۆميته‌يا ده‌ستوورێ پێشكێشكرنه و رووسيا و ئيرانێ دڤێ ده‌ربارێ ده ئاليكاربوون سه‌رباري كو ئه‌م دبينن پێشكه‌تنه‌ك ده‌ربارێ چاره‌سه‌ريا سياسي و كۆميته‌يا ده‌ستووري ده چێبوويه
هێزێن رێژێما ئه‌سه‌د ئێريشه‌كه به‌ر فره د نۆزده‌هێ ڤێ مه‌هێ ده ده‌ستپێكريه و ئه‌ڤ ئێريش يا هه‌ري تونده ل سه‌ر رۆژهلاتێ گونده‌وارێن ده‌رعايێ ژ ده‌ستپێكا رێكه‌فتنا كێمكرنا ئاستا شه‌ر يا گشتي د سالا بهووري ده ,و تا نها زێده‌تر ژ پێنجيه كه‌سێن سڤيل بوونه قورباني و پێنج نه‌خوه‌شخانه و ناڤه‌ندێن به‌ره‌ڤانيا سڤيل ژ كار هاتنه خستن و به‌رامبه‌ري وێ ژي سه‌د و بيست چه‌كدارێن رێژێمێ هاتنه كوشتن و نێزيكي بيست زريپۆش و ئۆتۆمبيل و ئالاڤێن له‌شكري تێكچوونه هه‌ر وه‌ها باله‌فره‌كه رێژێمێ ژ ئاليێ چه‌كدارێن ده‌رعايێ يێن سه‌ر ب ئۆپۆزيسيۆنێ ڤه هاتيه خوار ويه‌كه دن ژي تێكبرنه
489
