ترامب : ئه‌مێ ئابووريیا توركیێ هلوه‌شینن ئه‌گه‌ر ئیریشی كوردان ل سووریێ بكه
سه‌رۆكێ ئه‌مه‌ریكا دونالد ترامب تویته‌ك نوو ده‌ربارێ كوردستان سووریێ و گه‌ڤێن توركیێ ب پێكئانینا ئۆپه‌راسیۆنه‌كه له‌شكه‌ری به‌لاڤكر تێده راگهاند كو وه‌لاتێ وی دێ ئابووریا توركیێ هلوه‌شینه ئه‌گه‌ر توركیێ ئیریشی كوردان ل كوردستانا سووری بكه.
د داوی تویتا خوه ترامب به‌لاڤكر كو ئه‌مریكا دێ هه‌رێمه‌ك ئارام ب دوردۆرا بیست كیلۆمتران د خاكا سووریێ ده ئاڤا بكه بێ كو ئاماژه پێ بكه كو كیژان ئالی دێ ب ئاڤاكرنا وێ هه‌رێمێ ل سووریێ رابه یان كی دێ په‌ره‌یێن تێچوونا وێ هه‌رێمێ بده و جهێ وێ هه‌رێمێ ده‌ستنیشان بكه .
د هه‌مان تویتا سه‌رۆكێ ئه‌مریكا ده كو دوه 13/1/2019 هاتیه به‌لاڤكرن ب زمانه‌ك توند وتووژ گه‌ڤ ل توركیێ دا ئه‌گه‌ر ب تو ئیریشان رابه ودا زانین ك ئه‌و دێ ئابووریا توركیێ هه‌لوه‌شینن ئه‌گه‌ر ب ئیریشان رابه .
ل ئالییه‌كی دن سه‌رۆكێ ئه‌مه‌ریكا هوشیار دا كوردان كو كارێ ئستفزازێ ل هه‌مبه‌ر توركیێ رانه‌بن .
ژ ئالیێ خوه ڤه راوێژكارێ ئه‌ولكاریا ئه‌مركی جۆن بۆلتۆن د هه‌فته‌یا بووری ده ته‌كه‌زی ل سه‌ر پاره‌ستنا چه‌كدارێن كورد وه‌ك مه‌رج پشتی ڤه‌كشانا هێزێن ئه‌مه‌ركی ژ سووریێ دا بوو كو ئه‌و داخویانی ژ ئالیێ سه‌رۆكێ توركیێ رجه‌ب ئه‌ردۆغان هاته ره‌دكرن و ب شاشیتیه‌ك مه‌زن بناڤ كر.
ژ ده‌ما كو ئۆپه‌راسیۆنا توركیێ سه‌ر عه‌فرینێ ب داوی هاتیه ژ وێ ده‌مێ ڤه حكومه‌تا توه‌ركیێ گه‌ڤا پێكئانینا هه‌مان ئۆپه‌راسیۆنێ ل سه‌ر هه‌رێمێن دن یێن رۆژئاڤایێ كوردستانێ دده لێ ژبه‌ر هه‌بوونا هێزێن ئه‌مه‌ریكی ل وان هه‌رێمان پرسگرێك رۆژ ب رۆژ ئالۆتر دبه وته‌ڤێ بریارا ئه‌مه‌ریكا ژ ڤه‌كشانا هێزێن خوه ژ وان هه‌رێمان لێ هه‌رده‌م رداگهینه كو ئه‌و دێ هه‌ڤپه‌یمانێن خوه بپارێزن .
ش.ع
572
