سەركردەیەكی پارتیا ئەلبەعس ل قامشلۆ هات خەلاتكرن
سەركردەیەكی پارتیا ئەلبەعس یا رێژیما ئەسەد ل باژارێ قامشلۆ یێ كوردستانا سووریێ هات خەلاتكرن.
دوه لباژارێ قامشلۆ، ناڤەندا راهێنانا نووكری، ب هەماهەنگی ل گەل ئالینە رێژیمێ، ئەمیندارێ شاخێ حەسەكێ یێ پارتیا ئەلبەعس توركی حەسەن خەلاتكر.
رێژیما ئەسەد د لڤ و تەڤگەر و چالاكیێن خوە ل ناڤچەیێن جزیرا رۆژئاڤایێ كوردستانێ بەردەوامە، چالاكیێن پارتیا ئەلبەعس، چالاكیێن لەشكەری و سەرەدانێن بەرپرسێن پلەبلند و گەلەك چالاكیێن دن ژی.
رۆژا پێنشەما بۆری ژی، ل ناڤا باژارێ حەسەكێ، سەركردایەتیا پۆلیسێن رێژیمێ ل ناڤەندا كەتیبەیا پاراستنێ ئاهەنگەكە دەرچوونا خولەكە چەكدارێن ئەولەكاریا خوە یا ناڤخوە لدارخست.
د وان مەراسیمان دە وێنەیێن سەرۆكێ رێژیمێ بەشار ئەلئەسەد و باڤێ وی حافز ئەلئەسەد، هەروەها ئالێن رێژیمێ و یێن پارتیا ئەلبەعس هاتن بلندكرن، هەروەها نەمایشنە لەشكەری هاتن پێشكێشكرن.
بەریا چەند رۆژان ژی، شاخێن پارتیا ئەلبەعس یێن دێرك و گوندەوارێن وێ كۆنگرێن خوە یێن سالانە لدارخستن.
470
