نامەیەكە سپاسیێ ژبۆ ئاركێ ژ مالباتا ئەمیر حامد
ب هەلكەفتا بۆرینا پێنج سالان لسەر رەڤاندنا چالاكڤانێ جوان یێ رۆژئاڤایێ كوردستانێ لسەر دەستێ پەیەدێ ئەمیر حامد، مالباتا حامد سپاسیا كەنالا ئاركێ لسەر گوهدان ب دۆزا كورێ وان كر.
د نامەیەكە سپاسیێ دە، كو لسەر رووپەلێن خوە یێن فەیسبووكێ بەلاڤكرنە، مالباتا حامد گۆت كو پشتەڤانیەكە مەزن ب هەلكەفتا بۆرینا پێنج سالان لسەر رەڤاندنا كورێ وان ئەمیر حامد ژ ئالیێ پرانیا چینێن جڤاكا كوردی ڤە هەبوو مینا رەوشەنبیر و هەلبەستڤان، رۆژنامەڤانێن كورد و هن پارتی، و گەلەك جوانێن ئەنجومەنا نشتیمانی یا كوردی ل سووریێ.
د نامەیا خوە دە مالباتا حامد سپاسیا كەنالا ئاركێ لسەر راپۆرتا تایبەت ب ئەمیر حامد و هەر كەس و ئالیێ كو ل تەنشت وان راوەستیا و پشتەڤانیا وان كریە، كر
ئەمیر حامد رۆژا یازدەهێ چلەیا دوهەزار و یازدەهان ژ ئالیێ چەكدارنە پەیەدێ ڤە هات رەڤاندن، و تا نها پەیەدێ دان ب رەڤاندنا حامد نەدایە.
520
