عبدالاحد اسطیفو: سیاسەتا ئەمەریكا ل همبەر رۆلا ئیرانێ ل سووریێ پێدڤییا وێ ب زەلالكرنا زێدەتر هەیە

دوه رۆژا پێنچشەممێ(11.12.2019)، سەرۆكێ ناڤەندا پەیوەندیێن دەرڤە یێ هەڤپەیمانییا نشتیمانیا سووریێ، عبدالاحد اسطیفو، پێشوازی ل گۆتنا وەزیرێ دەرڤە یێ ئەمەریكا ، مایك پۆمپیۆ كر ، دەربارێ پێدڤییا ل همبەر سیاسەتا ئیرانێ ل سووریێ و كارنامەیا وێ راوەستە و ئیدی بەس رێ بدە ئیرانێ كو ئەجنیدایێن خوە ل رۆژهلاتا ناڤین دە بەرفرە تر بكە ب تایبەتی ژی د سووریێ دە.ئەو ژی ب دەرخستنا میلیسیایێن ئیرانی ژ تەڤاهییا خاكا سووریێ.

اسطیفو، پرسیار كر كود ێ ئالاڤ و رێێن ئەمەریكا چ بە كو هێزێن ئیرانی ژ سووریێ دەربخە پشتی كو هەمیی شیان و كارینێ شۆرەشا سووریێ هاتن پشتگوهخستن كو كاریبوون رۆلا ئیرانێ لاواز بكە و دوورپێچ بكە و هەبوونا وان تونە بكە.

اسطیفو هەروها گۆت، دەرخستنا میلیسیایێن ئیرانی ژ سووریێ گاڤەكە گرنگە كو پشتەڤانەكی بهێزێ بەشار ئەسەد ە د كوشتنا مللەتێ سووریێ دە، لێ ئەڤ گاڤ بێ هەڤپەیمانییا ناڤدەولەتی ب سەرۆكاتیا ئەمەریكا و پشتەڤانییا هێزێن شۆرەشێ یێن خوەجهی و د چارچۆڤەیا نەهشتنا تەرۆرێ دە بجه نابە، دڤێ ب بەردەوامی پشتەڤانیا خوەپێشاندانێن دژی ئیرانێ وەرە كرن و دڤێ سزایێن ناڤدەولەتی و دوورپێچكرنا سیاسی ل سەر رێژیما مەلالی ل ئێرانێ بهێزتر ببە .

سەرۆكێ ناڤەندا پەیوەندیێن دەرڤە یێ هەڤپەیمانییا نشتیمانیا سووریێ، داخواز ژ واشنتۆن كر كو پشتی دەرخستنا میلیسیایێن ئیرانی ژ سووریێ هەولێن خوە بهێزتر بكە وبەرڤە چارەسەریێەكە سیاسی ژ رەوشا سووریێ رە ول گۆر بریارێن ناڤدەولەتی كو ئەنجومانا ئەولەهیێ دەربارێ سوریێ دە دەرخستبوو و دسەرێ وان دە ژی داخویانیا جنیفێ و بریارا (2254).

ر.ع

445