ئیران ب شیعەكرنا مللەتێ سووریێ دە بەردەوامە

دوه رۆژا ئینی(11.1.2019)، موسلمانێن باژارێ میادین دەما كو ژ نمێژا خوتبێ دەركەتن، ب ماتمایی مان كو هنەك كەس ل پێش دەرگەهێ مزگەفتێ ب ئەشكەرە بانگ دكن و داخواز ژ خەلكێ دكن ژبۆ ئیمانێ ب ئال بیت بینن و تەڤلی مەزهەبا شیعا ببن.

تۆرا دیرزۆر 24 ، ژائلیێ خوە ڤە دا زانین، كو ئەو كەسێن بانگەوازیێ ژبۆ تەڤلیبوونا مەزهەبا شیعا دكرن بخوە خەلكێ دەڤەرێ بوون یێ تازە تەڤلی ڤێ مەزهەبێ بوونە.

ئەڤ دیاردەیە جارە یەكەمینە وها ب ئاوایەكە ئەشكەرە ول پێش چاڤێ هەموو كەس بانگەوازی بلاڤ دبە و داخوازا تەڤلی بوونا مەزهەبا شیعا دبە.

د ڤی داویێ دە، چەند چالاكیێن ئیرانێ ل گوندەوارێ دێرازۆرێ دیاربوون، وهەروها ل سەر ئاستێ لەشكەری ژی، هەبوونا میلیسیایێن ئیرانی ل نێزی وێستگەها دوو یا البوكمال هاتبوون دیتن.

آیران هەر درێیا حسینیات وناڤەندین شیعیە یێ تازە هاتنە ئاڤاكرن چالاكیێن خوە یێ ئۆلی شیعی دكن و بانگا خوە بلاڤ دكن، مینا سەردانا مەزارگەها "عین علی" ل دەڤەرا محكان و ئیدی ئیران بەردەوامە د داگیركرنا هزری د وان هەرێمان دە .

ب ڤی ئاوایی ئیران دخوازە جهێ پیێ خوە ل سووریێ ژبۆ دەمەكە درێژ چی بكە، ودرێیا فێركرنێ دە گاڤنە ئاڤێتنە و ب تایبەتی ژی د قۆناغا سەرەتایی دە و ب تایبەتی ناڤچەیێن رۆژهلاتێ سووریێ یێن كو پەترۆل و نفط تێدە زۆرە و دەستپێكێ ژی ل پارێزگەها دێرازۆرێ و هەروها ل هەر ناڤچەیەكە كو هێزێن ئیرانی وچەكدارێن وێ لێ بە دێ ئەڤ مەترسی لێ دەركەڤە، تێ گۆمان كرن كو ئەڤ مەترسی ل سەر ناڤچەیێن كوردستانی ل رۆژهلاتێ چەمێ فراتی و كوردستانا سووریێ ژی هەبە ژبەر دیتنا میلیسیایێن ئیرانی وچەكدارین ئیرانێ ل وان دەڤەران مینا فرۆكخانەیا قامشلۆ.

ر.ع

573