سەركردەیەكی ی پ گ: ئەمەریكا ناهێلە دانوستاندنێن مە ب رێژیمێ رە سەربكەڤن

سەركردەیەكی چەكدارێن یەپەگە یێن بسەر پەیەدێ ڤە گۆت كو واشنتون ناهێلە دانوستاندنێن وان ل گەل رێژیما سووریێ بسەر بكەڤن

د هەڤدیتنەكێ لگەل ئاژانسا نۆڤۆستی، راوێژكارێ بەرێ یێ چەكدارێن پەیەگێ ل عەفرینێ، رێزان حدۆ گۆت كو ویلایەتێن یەكگرتی یێن ئەمەریكایێ هەول ددە دانوستاندنێن ناڤبەرا رێڤەبەریا پەیەدێ و رێژیما ئەسەد بەسرنەكەڤن.

حدۆ هەروەها ئەشكەرەكر كو شاندیێ ئەمریكی ژبۆ سووریێ جیمس جێڤری هەژمارەك نامە رادەستی رێڤەبەریا پەیەدێ كرنە، كو تێ دە ئەمەریكا داخواز ژ رێڤەبەریا پەیەدێ كریە كو دەربارێ دانوستاندنان ب رێژیمێ رە نە بلەزبن، و گۆتیە كو وێ د دەمەكە نێزیك دە هن گوهەرتن رووبدن، نەخاسم پشتی جڤینا ناتۆیێ كو بریارە د سباتا بێ دە وەرە لدارخستن، و بەحسا قەدەغەكرنا فرینێ ژی هاتیە كرن.

حدۆ بەریا نها ژی ئەمەریكا ب پەڤچوونێن رۆژا 8ێ ئەیلوونا سالا بۆری ناڤبەرا رێژیم و پەیەدێ دە ل قامشلۆ تۆمەتباركربوو و گۆتبوو ئەو یەك فتنەیەكە.

داخویانیا حدو د دەمەكێ دە تێ كو بەحسا ڤەكشانا هێزێن ئەمریكی ژ سووریێ تێ كرن، لێ تا نها ئەو ڤەكشان نەكەتیە وارێ بجیكرنێ دە، د هەمان دەمێ دە پەیەدێ بگوربوون بەحسا دانوستاندنان برێژیمێ رە دكە، كو ژبۆ گەفێن توركیێ لسەر منبجێ، چەكدارێن یەپەگێ ب فەرمی ژ رێژیمێ خوەست دەرباسی منبجێ ببە و بپارێزە.

413