سەرۆك بارزانی پێشوازی ل شاندەكە ئەنجومانا نشتیمانییا كوردی ل سووریێ كر

دوه، رۆژا پێنچ شەممێ (10.1.2019)، سەرۆك مسعۆد بارزانی، پێشوازی ل شاندەكە ئەنجومانا نشتیمانییا كوردی ل سووریێ كر.

د ڤەخوەندنەكە فەرمی دە، سەرۆك بارزانی پێشوازی ل شاندەكە دەستەیا سەرۆكاتیا ئەنەكەسی و ئۆفیسا پەیوەندیێن دەرڤە یێ ئەنجومانێ كر .

د جڤینا سەرۆك و ئەنەكەسێ دە، رەوشا ساسی یا كوردستانا سووریێ و سوورێ بگشتی هات گۆتووبێژكرن و سەرۆك شرۆڤەیەكە سیاسی بەرفرە دا رەوشێ، هەورها سەرۆك بارزانی تەكەزی ل سەر گرنگییا كارێن دپلۆماسی كر و دلخوەشیا خوە دەربری دەربارێ رۆلا ئەنەكەسێ یا د پرۆسەیا سیاسی یا دانووستاندنێن سووریێ دە، و نەرینا وێ د پێشەرۆژا سووریێ و چارەسەرییا دۆزا كوردی دە .

ئەنەكەسێ دەربارێ جڤینا وێ ب سەرۆك بارزانی رە داخویانییەكە بلاڤ كر و تێدە دا زانین كو سەرۆك بارزانی تەكەزی كر ل گرنگییا بهێزكرنا تێكلییان و پەیوەندنیێن ب پێكهاتەێن مللەتی سووریێ رە و پیدڤییا ئاستییا جڤاكی و پێكڤە ژیان و پاراستنا دەڤەرێ.

هەر ل گۆر داخویانییا ئەنەكەسێ، شاندا سەرۆكاتێ شرۆڤەیەك ل سەر رۆلا ئەنەكەسێ و نەرینا وێ د دەستەیا دانووستاندكارا سووریێ دە پێشكێشی سەرۆك بارزانی كر و وهەروها بەحسا رەوشا عەفرینێ ژی بەشەكە دن یێ مژارێن جڤینا ئەنەكەسی وسەرۆك بوو .

ئەنەكەسێ ژ سەرۆك بارزانی مەترسییا ل سەر عەفرینێ و ناڤچەیێن كوردستانی یێ رۆژهلاتێ چەمێ فراتێ دا زانین و پێدڤییا نەهشتنا مەترسێ ل سەر ڤان دەڤەرین كوردستانی و رزگاركرنا مللەتێ مە ژ ڤێ ترس و نەرەحتیێ.
ر.ع

404