نامەیەكە ڤەكری ژ سەركردایەتیا ئەنەكەسێ رە

رۆژا پێنچ شەممێ (10.1.2019)، ئەندامێ دەستەیا شێوەرمەندیێ یا پارتییا دەمۆقراتی كوردستان - سوریا، عبدالرحمن شیخێ، نامەیەك ڤەكری ژ سەركرادیەتییا ئەنجومانا نشتیمانیا كوردی شاند...

سەركردەیێ پارتییا دەمۆقراتا كوردستانا سووریێ، عبدالرحمن شێخێ، د نامەیا خوە دە، داخواز ژ ئەنجومانا نشتیماییا كوردی كر كو دی كەنگی كۆنفرانسەكێ بەرفرە كر ل داربخە، هەڤدەمی كو نها هەرێم د رەوشەكێ دە دەرباس دبە ومللەتێ مە راستی گەلەك زەحمەتی و مەترسییا تێ، كو د كۆنفرانسا ئەنەكەسێ دە هەموو بژاردەیێن سیاسی ورۆشنبیری وهزری ورێخستنێن سڤیل هەمەرەنگ وكەسایەتێن نشتیمانپەوەر ئامادە ببن وهژمارەك ژ سەركردەیێن لەشكەرێن رۆژ ژی ئامادە ببن و ب ئامادەبوونا رۆژنامەڤان و دەزگەهین رۆژنامەڤانیێ كو بەحسا هەموو پێشهاتەێن داویێ د كۆنفرانسێ دە وەرە كرن و ڤەخوەندنەك پێویست ژ رەوشێ رە وەركرن .

شیخی هەروها داخواز كر كو ئەو كۆنفرانس ل هەولێرێ وەرە ل دارخستن دا كو ئاكتیڤ تر بە و ریخستی تر بە وئەو داخواز هەر دووبارە دبە دناڤا تۆرێن جڤاكی وسیاسەتمەدار و رۆشنبیران دە ونها ژی خوە ڤەرز دكە ورەوش گەلەكی هەستیارە و دڤێ تشتەك وسا وەرە ئەنجام دان وئەو باوەرە دێ جهێ دلخوەشی و كەیفخوەشییا هەموو مللەتێ مە بە ودێ ڤالەهییا دناڤبەرا ئەنەكەسێ و جەماوەر وئالیگرێن وێ وهەڤشانێن وێ دە كێم بكە.

پشتی بریارا سەرۆكێ ئەمەریكا، دۆنالد ترامپ، كو 19 هەیڤا بووری دە د ریێا نامەیەكێ ل سەر تۆرا جڤاكی تویتەرێ دە ، تویتەك بلاڤ كر و تێدە، راگهاند كود ی بلەز هێزێن ئەمەریكا ژ سووریێ و رۆژهلاتێ چەمێ فراتێ ڤەكشینە و ڤێ بریارێ گەلەك تەڤلهەڤی د رەوشی دە ئانی پێش و ئیدی باندۆرەكە وێ یا ناڤخوەیێ ئەمەریكا ژی هەبوو و ل سەر هەرێمێ ژی باندۆرەك ئەشكەرە تێ دیتن و سیاسەتمەدارێن كورد ژی دبینن كو دەرفەتەك هاتییە پێش كو ئەنەكەسێ مفایێ ژی وەربگرە و پێشمەرگەێن رۆژ دەرباسی هەرێما كوردستانا سووریێ بكە ژبۆ پاراستنا مللەتی مە ژ هەر مەترسییەكێ.

ر.ع

225