نڤیسكارێ كورد جمال حمێ داخویانییەك ژبۆ رایا گشتی كوردی دا

د هەیاما سالا (2018)دە، ئۆتۆمبیلا من یا تایبەت ل پێش دەریێ مالا من ، ل ڤێ دەرێ، ل ڤی باژارێ ئەلمانی، ب كێر وخەنجەران ، چارجاران ژئالیێ كەسێن نەناس ڤە دولابێن وێ هاتن تەقاندن وجامێن وێ هاتن شكاندن و هەر جارەكی پۆلیسێن ئەلمانی لێكۆلینێ تێدە دكن و دۆز ل دژی نەناس ڤە تێ تۆماركرن؟؟

داوین جار ئۆتۆمبیلا من راستی تەپەسەریێ هات د (4.11.2018)و ل گۆر دیدەڤانان، كو دو جوان دەڤنخۆماندی بوون و ب كێران كین و قەهەرا خوە د دولابێن ئۆتۆمبیلان من دە ڤالا كرن و جامێ وێ هەموو شكاندن و وئۆتۆمبێلا من دان بەر كێران وكەلەك خیز لێ كرن و زیانەكە مەزن گهاندن من .....

جمال حمێ د داخویانییا خوە دە، دبێژە، گەلەكی دیارە ، ئەڤ نامەێن كەسی تایبەت ژبۆ تەرۆركرنا من وكوشتنا منن، ئەگەر ئەو ڤان بوویەران ب گەفێن كو راست راست ژ وی رە تێن گرێ بدە، ودبێژە چما تەنێ ئۆتۆمبێلامن راستی ڤی رەنگێ تەپەسەرێ تێ د تاخا مە دە؟؟

حمێ دا زانین، ژ سالا (2012)ڤە، ئەو راستی تەرۆرا هزری یا ڤی ئالیێ سیاسی كو كراسێ كەسایەتییا كوردی شەلوالێ كوردی ب دەروودورویێ ل خوە كرییە ، تێ، هەمان ئالییە كو چەند سالە ئەز بەقلەما خوە وهزرێ خوە وب سەدێ گۆتاران كریارێن وان یێ پیس و گەمار و بەلۆق دەرهەقێ مللەتی كورد دە ئەشكەرە دكم.، هەولا بێ دەنگكرنا من ددن و زێدەرتی (47) رۆپەلێن من یێ فێسبۆكێ هەكەر كرن وقەپات كرن لێ د سالا (2018) ئیدی مەترسێ ل سەر من ب ئاوایەكی راست راست چی دكن د دەما كو تەرۆرا وان گەشهتە ئاستێ ئیریشی ئۆتۆمبێلا من یا تایبەت بكن.

حمی دبێژە ئەو مرۆڤەكی سادەیە و خوە وسا ددە ناسكرن وچ جاری نەگۆتییە ئەو رۆشنبیر وسیاسی ونڤیسكار و ئەدیب و هەلبەستڤان و فەیلەسۆف و بیرمەند و شرۆڤەكارێ سیاسی یە، لێ ئەو نزانە چ باندۆرا وی مینا كەسەكی سادە ل سەر رێخستنەكە مەزن هەیە كو دبێژە ئەو رێخستن خوە ب ناڤ دكە خودان فەلسەفە و چارەسەریا كێشەیێن مرۆڤاهیێ هەموو ل جەم وان هەیە!!!

حمێ د داخویانیا خوە دە هەروها دبێژە، تشتا كو ئەو دزانە قەلەم ل همبەر قەلەمێ تێ بكارئانین و هزر ل همبەر هزر و رایا ل همبەر رایێ و بهانە ل همبەر بهانەیێ و بلگە لهمبەر بلگەیێ وچەك ژی ل همبەر چەكێ تێ بكار ئانین، وئەو مرۆڤەكە بێ چەكە و تەنێ چەكا وی هزر وقەلەما وی یە؟؟

وئەو نزانە تاوانا وی چ یە وچ تاوان سزایێ وێ ئەڤ هەموو ئیریشی و سەر لێشواندن وب دەهان تۆمەتێن ب دەرۆ وهەولێن وان یێ هەرزان ل سەر ئۆتۆمبێلا من و رۆپەلێن من و كەسایەتیا منە؟؟؟

حمی پرسیار دكە، گەلۆ ما من خیانەت ل كوردان كرییە، ومن خەنجەر د پشتا كوردان دە لێخستییە، من هەڤپەیمانی ب رێژیما سووریێ یا كوژەر رە ئاڤا كرییە، گەل ما من هەموو رەنگێن تەرۆرێ یێن دەرۆنی و جەسەدی ل سەر كوردان ئەنجام دایە و من هشتییە كورد ب زۆرێ كۆچبەر ببن؟ گەلۆ ما من باج و لەشكەرییا نەچار ل سەر كوردان فەرز كرییە و من زارۆێن كوردان رەڤاندییە ومینا قوربانیا ژ رێژیما سووریێ رە پێشكێش كرنە، وكرنە خزمەتا یەكرێزیا خاكا سووریێ دە بێ كو چ دانپێدانەكێ رۆژەكێ ژ رۆژان ب ب كورد ومافێن كوردان بكە، گەلۆ ما من نەفت و غاز شاندییە رێژیما ئەسەد رە دا كو فرۆكەیین خوە تژی ئەنەرجی بكە و مللەتێ سووریێ تۆپباران بكە ومال و خانی و باژاروگوندین سووریێ ب تەمامی ل سەرێ مللەتێ وێ دە وێران بكە، گەلۆ ما ئەز بووم من ژبەر "داعشێ" رەڤییا و (350) گوند ل گوندەوارێ كۆبانێ ب مال و حال ڤە ب جه هشتن دناڤ لەپی داعش دە، گەلۆ ما ئەز بووم سەدەم عەفرین وەرە داگیركرن، مللەتێ عەفرینێ چۆل وبەیاران بكەڤە و پەنابەر ودەربەدەر ببن؟؟؟؟

نڤیسكارێ كورد د داخویانییا خوە دە پرسارین خوە بەردەوام دكە و دبێژە، گەلۆ ما ئەز بووم پیلانێن محمد طلب هلالێ شوفینی ل دژی ناڤچەیێن كوردان بجه كرن و من هەموو ناڤچە ژ كوردان ڤالا كرن وگوهەرتنەك دەمۆغرافی د بەرژەوەندییا عەرەبان دە چی كر؟؟ گەلۆ ما ئەز بووم من ئیریشی ئۆفیسێن پارتیێن كوردی كر ومن هنەك شوتاندن و قەپاتكرن ومن كارێن وان یێ سیاسی دخزمەتا كوردایەتیێ دە قەدەغەكر ، گەلۆ ما ئەز بووم من ئالا كوردستانێ قەدغەكر ونەهشت دناڤچەیێن كوردی ل كوردستانا سووریێ دە بلند ببە و هەر كوردی د دلێ خوە دە هلگرێ حەسكرنا كوردستانێ وهزری نەتەوەی كوردی بە ، سەركۆت كر؟ گەلۆ ما ئەز بووم 25 هەزار شەهید مینا فوربانیا د خزمەتا دوژمنێن كوردان دە پێشكێش كر؟

نڤیسكاری كورد وها داوی ب داخویانییا خوە ئانی، تاوانا من چی یە، ب راستی ئەز نزام، تشتا كو ئەز دكم تەنێ ئەز نەرینا خوە ددم خویاكرن و رەخنەێن خوە دكم وبیروباوەریێن خوە بلاڤ دكم وب ئاوایەكی وێژەیی بابەتی و لۆژێكی وب رێن ئاشتی و بەرەڤانی دبەر مافێن مللەتێ خوە یێ ستەم لێ هاتی كرن دە دكم؟؟

ر.ع

637