زاخارۆفا: پێویستە كورد ورژێما ئەسەد ل سەر ڤەكشانا ئەمریكا بجڤن
آرك نيوز...گۆتووبێژا وەزارەتا درەڤەیا رووسیا دبێژە پێویستە د دەما نهادە كورد ورژێما ئەسەد دەربارێ ڤەكشانا هێزێن ئەمریكا ژ سووریی جڤینان ل داربخن , ودانوستاندێن جددی دەستپێ بكن .
د كۆنگرەیەكی رۆژنەمەڤانی دە ماریا زاخارۆفا بەردەڤكا وەزارەتا دەرڤەیا رووسیا راگەهاند كو دەما كو ئەمریكا ژ سووریێ ڤەكشە , پێویستە چەكدارێن رژێما ئەسەد شوونا هێزێن ئەمریكی بگرن , وئەو ناڤچە جارەكە دن بكەڤنە بن كۆنترۆلا رژێما ئەسەد دە .
هەورەها بەردەڤكا وەزارەتا دەرڤەیا رووسیا گۆت ژ بۆ پەیدابوونا هەماهەنگی ول هەڤتێگهشتنێ داكو چەكدارێن رژێما ئەسەد شوونا هێزێن ئەمریكی بگرن , پێویستە د دەما نهادە كورد ورژێما ئەسەد دەست ب لدارخستنا جڤینان ودەستپێكرنا دانوستاندنان بكن .
زاخارۆفا تەكەز كر كو كورد بەشەكی سەرەكەنە ژ جڤاكا سووری , وب تو ئاوایەكی كورد نایێنە دوورخستن ژ وێ جڤاكێ .
بەردەڤكا وەزارەتا دەرڤەیا رووسیا گۆت كو هەر چەند دۆنالد ترامپ سەرۆكێ ئەمریكا بریارا ڤەكشانا هێزێن ئەمریكی ژ سووریێ ژ نیشكێ ڤە دا , وئەو بریار نەچاڤەرێكری بوو , رووسیا د وێ باوەریێ دەیە كو ئەمریكا دخوازە ل سووریێ دە بۆ دەمەكە درێژ بمینە .
د داوی دە زاخارۆفا تەكەز كر كو دەربارێ ناڤچەیا كێمكرنا ئاستێ شەر ل پارێزگەها ئدلبێ , رووسیا پابەندە ب رێكەفتنا ل گەل توركیا , وگۆت كو مۆسكۆ دەربارێ ئەنجامدانا بنپێكرنان ل وێ ناڤچەیێ ب فكار ومەترسی یە .
وەكە شەرۆڤەكارێن سیاسی دبێژن كو كریزا سووریێ بەرەڤ ب داوی بوونێ دچە , لێ ل گەل ب داوی بوونا كریزێ رۆژ ب رۆژ بوویەر وپێشهاتەیێن نوو تێنە هۆلێ , وئەو پێشهاتە هەڤكێشا سیاسی ئالۆز دكە , وتەڤایا وەلاتێن دەستێوەردانێ د سووریێ دە دكن شەرێ پاراستنا بەرژەوەندیێن خوە دكە
ز.ح
453
