فەرەنسا: بریارا ڤەكشانا هێزێن ئەمریكی ژ سووریێ مەترسیدارە

آرك نيوز؟..وەزیرێ دەرڤەیێ فەرەنسا تەكەز دكە كو هەر دەمەكێ فەرەنسا پشت راست بوو كو كریزا سووریێ ب چارەسەریا سیاسی هاتە چارەسەركرن , وی دەمی هێزێن فەرەنسی وێ ژ سووریی ڤەكشن .

جان ئیف لۆدریان وەزیرێ دەرڤەیێ فەرەنسا ژ كەنالا سی نیووز یا فەرەنسی رە راگەهاند كو ب ئەشكەرە هێزێن مە ل عێراقێ وسووریێ هەنە , ول گەل هێزێن ئەمریكا هەماهەنگن .

وەزیرێ دەرڤەیێ فەرەنسا تەكەز كر كو بەردەوامبوونا شەرێ دژی داعشێ ل ناڤچەیێ یەك ژ كارێ هەرەی سەرەكە یێ فەرەنسا یە , وفەرەنسا دەڤ ژ ئارمانجا ژ ناڤبرنا یەكجاریا داعشێ بەرنادە .

لۆدریان بەردەوامی ب گۆتنا خوە دا وگۆت كو كورد د رێزا پێشا هەڤپەیمانێن فەرەنسا دەیە , ژ بەر كورد د شەرێ دژی داعشێ دە رۆلەكە سەرەكە دیتن , وگەلەك قوربانی دانە .

دەربارێ بریارا ڤەكشانا هێزێن ئەمریكی ژ سووریێ وەزیرێ دەرڤەیێ فەرەنسا راگەهاند كو بریارا ڤەكشانا هێزێن ئەمریكا ژ سووریێ بریارەكە مەترسیدارە , وهەڤپەیمانێن ئەمریكا وێ رووبرووێ كێشەیەكە مەزن ببن , وپێویستە ل سەر ئاستێ ناڤدەولەتی وهەڤپەیمانێن فەرەنسا كورد وەرنە پاراستن.

وەزیرێ دەرڤەیێ فەرەنسا گۆت كو پێوستە بەشار الاسد ژ بۆ بەرقەراربوونا ئەولەهی وئاساییشێ ل سووریێ پرۆسەیەكە وی یا سیاسی هەبە , وبێگومان وی دەمی فەرەنسا وێ هێزێن خوە ژ سووریێ ڤەكشینە.

د یەكەم رۆژا سەرێ سالا نوو دە وەزیرا بەرەڤانیا فەرەنسا فلۆرەنس بارلی ل ئۆردنێ راگەهاند كو میكانیزما ڤەكشانا هێزێن ئەمریكی ژ سووریێ هینا د قۆناغا كۆتووبێژیێ دەیە , وفەرەنسا ژ ئارمانجا ژناڤبرنا یەكجاریا رێخستنا تیرۆرستی یا داعشێ ل سووریێ ڤەناگەرە .

د داوی دە جان ئیف لۆدریان وەزیرێ درەڤەیێ فەرەنسا ئەشكەرەكر كو وێ د چەند رۆژێن بێ دە سەردانا عێراقێ وهەرێما كوردستانێ بكە , ووێ چەند دۆسەیێن تایبەت ب كێشەیێن دەڤەرێ ل گەل بەرپرسیارێن عێراقێ وهەرێما كوردستانێ گۆتووبێژ بكە , ئەوژی بێ كو دەمێ سەردانێ دەستنیشان بكە

ز.ح

520