توركيا: ئهم بتهنێ شهرێ تهرورێ دكن وتو ناكوكيێن مه ب كوردان ره نينه
وهزیرێ بهرهڤانیا توركیێ راگهاند كو وهلاتێ وی ههمو پلانێن پیویست ژ بو دهستپێكرنا ئیریشا توركیێ یا لهشكهری ل سهر روژهلاتێ چهمێ فهراتێ ئامهده كرنه .
وهزیرێ بهرهڤانیا توركیێ خهلوسی ئاكار د گوتارهك خوه ده دهما كو ل گهل سهروك ئهركانێن توركیێ یشار غولر سهرهدانا چهكدارێن خوه ل سهر سینورێ سووریێ كرن بهحسا ئامهدهكاریێن خوه ژ بو دهرباسبونا روژهلاتێ چهمێ فهراتێ كر .
خهلوسی ئاكار د گوتارا خوه گوت ئهمێ تونهلێن تیروریستان ل روژهلاتی چهمێ فهراتێ ژ وان ره بكن گورستان د دهم وجههكی گونجاو ده وهكی د جارێن دن مه پێكئانی .
ئاكار د بهرهوامیا ئاخافتنا خوه ده تهكهز كر كو توركیێ رژده ل سهر بداوئانینا تهرورێ ل ههر جههكی به ئهگهر دناڤا خاكا توركیێ ده به یان ل دهرڤهێ خاكا وێ به .
ئاكار بهدهوام كر وگوت بتهنێ تهرور ئارمانجا مهیه وههر كهسهكی خودان عاقل به دزانه كو تو ناكوكیێن مه ب برایێن مه یێن كورد ره نینه وئهم ب وان ره وهك گوشت ونینوكا وێ نه .
د داویا ئاخافتنا خوه ده ئاكار دیاركر كو منبج وروژهلاتێ چهمێ فهراتێ ل پێشیا وانه و وان ههمی پلانێن دهرباسبونا وان بداوى هاتن و ئامهدهكاریێن وان بداوی هاتنه .
ئهڤ یهك تێ دهمهكێ ده كو توركیێ بهدهوام چهك ولهشكهری وتهقهمهنیێ ب ئالیێ سینورێ خوه ب كوردستانا سووریێ ره دشینه ههڤدهمی كو بهرپرسێن توركی بهدهوام بهحسا ئیریشهكه بهژایی ل سهر دهڤهرێن سینوری یێن كوردستانا سووریێ دكن .
306