رێژیمێ مەراسیمەكە لەشكەری ل حەسەكێ لدارخست
رێژیما ئەسەد د لڤ و تەڤگەر و چالاكیێن خوە ل ناڤچەیێن جزیرا رۆژئاڤایێ كوردستانێ بەردەوامە، چالاكیێن پارتیا ئەلبەعس، چالاكیێن لەشكەری و سەرەدانێن بەرپرسێن پلەبلند و گەلەك چالاكیێن دن ژی.
دوه ل ناڤا باژارێ حەسەكێ، سەركردایەتیا پۆلیسێن رێژیمێ ل ناڤەندا كەتیبەیا پاراستنێ ئاهەنگەكە دەرچوونا خولەكە چەكدارێن ئەولەكاریا خوە یا ناڤخوە لدارخست.
د وان مەراسیمان دە وێنەیێن سەرۆكێ رێژیمێ بەشار ئەلئەسەد و باڤێ وی حافز ئەلئەسەد، هەروەها ئالێن رێژیمێ و یێن پارتیا ئەلبەعس هاتن بلندكرن، هەروەها نەمایشنە لەشكەری هاتن پێشكێشكرن.
بەریا چەند رۆژان ژی، شاخێن پارتیا ئەلبەعس یێن دێرك و گوندەوارێن وێ كۆنگرێن خوە یێن سالانە لدارخستن.
شاخێ حەسەكێ یێ پارتیا ئەلبەعس د رووپەلا خوە یا فەرمی دە بەلاڤكربوو كو شاخێن دێرك و گوندەوارێن وێ یێن پارتیا ئەلبەعس كۆنگرێن خوە یێن سالانە ل هۆلا شاخێ قامشلۆ یێ پارتیا ئەلبەعس ئیرۆ لدارخستن.
پرانیا شاخێن پارتیا ئەلبعەس كو كۆنگرێن خوە لدارخستن، یێن گوندێن عەرەبێن غەمربوون یێن پرۆژەیا زنارا عەرەبی، كو تا وەكە ئیرۆ ژی ل وان گوندان دمینن و گوندێن خوە بەرفرەه كرنە و هین لسەر زەڤیێن چۆتكارێن كوردن، و خۆرتێن وان ژی لناڤا ئەسایشا پەیەدێ نە، و گەلەك كەچ و خۆرتێن وان دناڤا دەزگەهێن پەیەدێ دە كار دكن.
342
