المقداد داخوازا وهفاداريێ ژ پهيهدێ دكه
جیگرێ وهزیرێ دهرڤه یێ رێژیما سووریێ بانگ ل پهیهدێ كر كو وهفاداربن د دیالوكێ د ب رێژیما سووریێ وتهكهز كر كو تو رێگه ل پێشیا پهیهدێ نینه .
جیگرێ وهزیرێ دهرڤه یێ رێژیما سووریێ فیصل المقداد د كونگرهكی روژنهمهڤانی ده گهشبینیا خوه دهربارێ دیالوكێ ب رێڤهبهریا پهیهدێ ره دیاركر كو پهیهدێ ههول دده رێكهفتنهكى ب رێژیما سووریێ ره ئيمزه بكه وهكو رێگریهكی ل گهفێن توركی لسهر وان .
المقداد ئهشكهره كر كو ئهزمونێن مه ب پهیهدێ ره نه پشتگرن لێ نهها ههمی تشت بداوى هاتنه و ئهگهر هندهك كورد دبێژن ئهم پارچهك نایێن باچهكرن ژ سووریێ وگهلێ وێ نه , ئهڤ یهك دهێله كو ئهو گهشبین بم .
مقداد سهرباركر وگوت نهها دهما ههری باشه ژ بو دیالوكێ وئهم بانگ ل ههمی ئالی وگروپێن سیاسی دكن كو وهفاداربن د دیالوكێ ده ب رێژیما سووریێ ره وبلا ژبیر نهك كو تو رێگه نینه ژ بلی ڤێ ریێ .
ئهڤ یهك تێ د دهمهكێ ده كو پهیهدێ بهردهوامه ب پهیوندی وجڤینێن خوه ده ب ریژیما سووریێ ژ بو رادهستكرنا دهڤهرێن كوردی ژ بو ناڤبوری كو بهریا چهند روژهكی ژی شاندهك ژ پهیهدێ ب بهرپرسن روس ره ژی جڤیابون دهربارێ جارهنڤیسا كوردستانا سووریێ .
ل گوری زانیاریێن ئاركێ كو د ئهنجاما جڤینێن پهیهدێ ب بهرپرسێن روس ره بهریا دو روژان یهكهم دهوریا روسی ل سهر سینورێ منبجێ هاته برێڤهبرن وگفتوگویێن پهیهدێ ب رێژیما سووریێ ره بهردهوامه ژ بو رادهستكرنا ههمی دهڤهرێن سینوری ژ رێژیما سووریێ ره .
306