مهترسییا دهرباسبوونا نوسرا بۆ عهفرینێ ههیه
شهر وپهڤچوون ناڤبهرا گرووپێن چهكدار یێن سهر ب ئۆپۆزسیونێ ل ئالییهكی و چهكدارێن ئهنییا النوسره كو ناڤ ل خوه كرنه دهستهیا تحریر الشام ل دوردۆرا ههرێما عهفرینێ بهردهوامه و تهڤی گشهتنا رێكهفتنان ل ههن دهڤهران لێ مهترسییا دهرباسبوونا ئهنییا النوسره ودووبارا ڤهگهرا شهر ژ بۆ عهفرینی ل جهم خهلكێ سڤیل یێن كوردێن عهفرینێ ههیه .
دوه چارشهمێ 9/1/2019 شهر وپهڤچوونێن گران ناڤبهرا ههردوو ئالییان ده ل باژارۆكێ ئاتمه یێ سهر ب پارێزگهها ئدلبێ كو نیزیكی ناڤچهیا جندرێسێ یا عهفرینێ و باژارێ دار عزه یێ نێزكێ گوندێن شێراوا یێن عهفرینێ روودا ود ئهنجام ده ژ ههردوو ئالییان ده كوشتی ههبوون .
شهر وپهڤچوون ناڤبهرا گرووپێن چهكدار و چهكدارێن ئهنییا النوسره مهترسییهك د دلێ خهلكێ سڤیل یێن عهفرینێ ده چێكریه وب تایبهت ل گوندێن شێراوا و گوندێن ههڤسینۆر ب باژاۆكێ ئاتمه یێ ئدلبێ و دارعزه یێن حهلهبێ .
ل گۆر ژێدهریكه تایبهت ژ ناڤ عهفرینێ ژ ئاركێ ره راگهاندیه كو د ئهنجاما وی شهری ده خهلكێ كهتیه مهترسییێ ده كو جارهكه دن شهر ل عهفرینێ رووبده و چهكدارێن ئهنییا النوسره دهرباسی عهفرینێ ببن .
ژێدهرێ ههروهها دا زانین كو ل گوندێن ههڤسینۆر ب ناڤچهیێن كو شهر تێده رووددن خهلك د وێ مهترسیێ ده كو دیسا ژ مالێن خوه دهركهفن ژ بهر كو رۆژانه ل سهر دهنگێ تۆب و فیشهكان رادكهفن ول سهر دهنگێ وان رادبن .
ژ ئالیێ خوه ڤه سهركردهیهكی ژ چهكدارێن ئارتێشا نشتیمانی یا سهر ب حكومهتا سووریا دهمكی ڤه راگهاندبوو كو ئهو كار ژبۆ سڤككرنا فشارێ ل سهر باژارۆكێ ئهتاربێ دكن .
باژارۆكێ ئهتارب یهك ژ كهفنترین باژارۆك كو كهتبوو دهستێ چهكدارێن ئۆپۆزسیۆنێ ده وبهریا چهند رۆژان د شهرێ ناڤبهرا تهڤگهرا نوردالدین زنكی و ئهنییا النوسره ئهو باژارۆك كهته بن دهستێ نوسرا ده وباندۆرا نهرینی ل سهر عهفرینێ هاته تۆماركرن كو چهكدار زهنكی ب مالباتێن خوه ڤه بهرێ خوه دانه عهفرینێ ل گۆر ژێدهران بهحس كریه كو ب سهدان مالبات بهرێ خوه دان عهفرینێ ود جهێ كوردان ده ب جه بوونه .
ش.ع
718
