شەپێلا پێشەرۆا كورد ل سووریێ د سالڤەگەرا كۆمكوژیا مالباتا عبدالله بدرو دە داخویانییەك بلاڤ كرییە
شەپێلا پێشەرۆژا كورد ل سووریێ، دوه(8.1.2019)، داخویانیەك ب بۆنەیا سالڤەگەرا كۆمكوژییا مالباتا بدرو ب ناڤێ " نابە ئەم تەرۆركرنا هەرسێ برایێن ژ مالباتا بدرو ژبیر بكن، بلاڤ كرییە.
د داخویانییا شەپێلێ دە، هاتییە، د دەهێ هەیڤا چلە د سالا دووهەزار ودوزدەهێ دە، گرۆپەك سەر پەكەكێ ەپەیەدێ، ب ناڤێ گرۆپا پاراستنا بهایێن مللەت ل رۆژئاڤایێ كوردستانێ، ب سەركردایەتیا (منذر كۆبانی) گولە بەردان هەرسێ برایێن ب ناڤێ (احمد ونضال و عمار عبدالله بدرو) ل باژارێ قامشلۆ و ئەو ب وی ئاوایی تەرۆركرن.
پشتی وێ تاوانا پەكەكێ، ئیدی ب تۆمەتێن جودا جودا د سەر مالباتا عبدالله بدرو ڤە ئاڤێتن ود راگهاندنێن خوە دە بهانەێن بێ سەرۆبەر ژبۆ تەرۆركرنا هەرسێ برایان ئانی رۆژەڤێ.
هەروها د داخویانیا شەپێلێ دە هاتییە، كو پەیەدێ، هەڤدەمی كو بانگا ئاڤاكرنا جڤاكەك كوردی نوو و كرن و داخوازا ئافراندنا مرۆڤەكی ئازاد كرن وئیدی وان دەست كرییە ب هزرەكی نووژەن، گرۆپەك ژ كوژەران كو دوورن ژ ئیتیكی جڤاكا كوردی سەر مالباتا عبدالله بدرۆ دە گرتن و بشێوەیی یاسایێ دارستانان ودوور ژ رەوشتی مرۆڤاتیێ هەرسێ كورێن وی دان بەر گولەیان و ل ئەنجام دە هاتن تەرۆركرن، بێ كو تو رێزێ ژ حورمەت ورۆمەتا مالباتێ رە بگرە.
ئەگەر عبدالله بدرۆ بخوە گونەهبار بە لێ بخوە ب تەنێ گونەهێ خوە هلدگرە و نەدڤییا ب وی ئاوایێ هۆڤانە ل سەر مالباتا وی دە بگرن و زارۆێن وی تەرۆر بكن.
د داخویانییا شەپێلێ دە هەروەها هاتییە، ئەڤ نە جارا یەكێ بوو پەیەدێ ڤان تاوانان د جڤاكا كوردی دە كریبوو، پشتی رێژیما بەعسا ئەسەدی ئیدی پەیەدێ وی كاری ب سەری مللەتێ كورد ل كوردستانان سووریێ دهێنە، تشتا كو پەیەدێ ژ رێژیما بەعس جودا كرییە ئەوە یە كو پشتی تاوانا خوە ب ئەشكەر كوژەر دریێا ئالاڤێن راگهاندنا پەیەدێ رە دەردكەگە و بهانەێن تاوانا خوە رادگهینە.
تاوانێن پەیەدێ یێ ب ڤی ئاوایی گەلەكن، مینا تەرۆركرنا سیاسەتمەدارێ كورد مشعل تمو پشتی كەف خوارنێ لێ، و رەڤاندنا جوانێن چالاكڤانو ئەشكەنجە كرنا وان و گەف ژخوارنا وان بكوشتنێ ونێزی پێنجی چالاكڤانی ل عەفرینێ وكۆبانی وحەلەبێ و قامشلۆ ل سەر دەستێ وان هاتنە تەرۆركرن.
شەپێلا پێشەرۆژا كورد دبێژە جهێ مخابنیێ یەكو هەلوێستا رایا گشتی یا كوردی و دناڤ دە ژی پارتیێن سیاسی و هەڤرێزێن جوانێن كورد ل كوردستانا سووریێ ل همبەر ڤان كریارێن پەیەدێ لاوازە وبێ دەنگی هلبژارتییە وبێ دەنگی تەنێ نیشانا ترسێ یە وژخوە ڤێ بێ دەنگی پەیەدێ گەرم گۆر كرییە ل سەر بەردەوامییا كریاروتاوانێن خوە دە، وئەڤ یەك ژی بوییە سەدەم كو لڤ وتەڤگەرا كوردی ئفلیج ببە.
د داویا داخویانییا خوە دە، شەپێلا پێشەرۆژا كورد ل سووریێ، دا زانین كو ئەو بهیڤینە ئەڤ بێ دەنگی یا ل همبەر تاوانێن پەیەدێ ل كوردستانا سووریێ بشكە.
ترس ل سەر خوینا كوردان پێدڤییەكێ دئافرینە كو مرۆڤ كوژەران ل سنۆرێن وان راوەستینە نە پەردەیان ل سەر تاوانێن وان دە بەردن وئەم تەكەزیێ ل سەر ئەنجومانا نشتیمانیا كوردی ل سووریێ دكن دا كو سازەشێ ل سەر خوینا قوربانێن تاوانێن پەیەدێ نەكە ونابە ل كوژەرێن كو دەستێن وان بخوینا مللەتێ مە سۆر بووی، ببۆرە .
ر.ع
713
