ئەردۆغان رازی نەبوو پێشوازیێ ل جۆن بۆلتۆن بكە

جڤینا د ناڤبەرا شاندا ئەمەریكی وتوركی دە ل ئەقنەرایێ ب داوی هات و ئەردۆغان رازی نەبوو پێشوازییا شێوەرمەندێ ئەولەهییا نەتەوەی یا ئەمەریكی جۆن بۆلتۆن بكە وناڤبۆری بلەز ئەنقەرا بجه هشت.

ئیرۆ (8.1.2019)، دوور ژ كامیرەیێن راگهاندنێ ، جڤینا دناڤبەرا هەردو شاندێن ئەمەریكی و توركی ل ئەنقەرایێ بێ ئەنجام داوی هات .

جڤینا دناڤبەرا هەردو ئالییان دە زێدەتری دوو دەمژمێران بەردەوام كر و جڤین ژبۆ دانووستاندنێن رەوشا سووریێ بوو، لێ بێ ئەنجام داوی هات.

د جڤینێ دە، شاندا ئەمەریكی ب سەرۆكاتیا شێوەرمەندێ ئەولەهییا نەتەوەی یا كۆچكا سپی یا ئەمەریكی جۆن بۆلتۆن بوو ول گەل سەرۆك ئەركانێ ئەمەریكی جوزیف دونفور وجیمس جیفری كو نها شاندەیێ ئەمەریكی تایبەت ژبۆ سووریێ و هەروها شاندەیێ ئەمەریكی تایبەت ب هەڤپەیمانییا ناڤدەولەتی ل دژی "داعش" یە پێك هاتبوو.

هەروها شاندا توركیێ ژی ب سەرۆكاتیا بەردەڤكێ سەرۆكاتیا توركێ ابراهیم كالن بوو ول گەل سەرۆكێ میتا توركێ جمال الدین جلیك و هنەك بەپرسێن دن پێك هاتبوو.

ژ ئالیێ خوە ڤە ژی، سەرۆكێ توركێ، رجب طیب ئەردۆغان، رەخنە ل گۆتارێن بۆلتۆن گرتن و تەكەز كر كو ئەو رژدە ل سەر ئۆپەراسیۆنا رۆژهلاتێ فراتێ و ئامەدەكاری تێ كرن پۆ دەستپێكرنا ڤێ ئۆپەراسیۆنێ.

رجب طیب ئەردۆغان رازی نەبوو پێشوازێ ل شاندەیێ ئەمەریكی و شێوەرمەندێ ئەولەهییا نەتەوەی یا كۆچكا سپی یا ئەمەریكا ، جۆن بۆلتۆن وشاندا وی بكە، وناڤبووری بلەز ئەقنەرا بجه هشت.

ئەردۆغان دا زانین كو تەڤی ئەم سەرۆكێ ئەمەریكا دۆنالد ترامپ رە گەهشت بوون رێكەفتنێ دەربارێ رۆژهلاتێ چەمێ فراتێ، لێ گۆتارێن رایەدەرێن ئەمەریكا جوودا ژ ڤێ رێكەفتنێ تێ بلاڤكرن.

ر.ع

544