يهكيتيا نڤيسكار وروژنهمهڤانێن كورد داخويانيهك دهربارێ عنايهت ديكو بهلاڤ كر
یهكیتیا نڤیسكار وروژنهمهڤانێن كورد ل سووریێ داخویانیهك دهربارێ گهفێن كو ل نڤیسكار وروژنهمهڤانێ كورد عنایهت دیكو تێن كرن بهلاڤ كر تێده ئهو گهڤ شهرمهزار كرن وداخوازا راوهستاندنا كریارێن ل دژی روژنهمهڤان ونڤیسكار وروهشهنبیران كرن .
د داخویانیا یهكیتیا نڤیسكار وروژنهمهڤانێن كورد ل سووریێ هاتیه كو ئهو گهفێن كو ل سهر نڤیسكارێ كورد عنایبهت دیكو تێن كرن ب خهمخواریه مهزن دشوپینن كو د دهما داوی ده گهڤ وئاخافتنێن نهخوهش ژ ئهندامێ ئوفیسا جیبهجیكار یا یهكیتیێ ره عنایبهت دیكو هاتن كرن ئهو ژی ژ بهر نهرین وههلوهستێن وی یێن سیاسی وبتایبهت بانگا وی ژ بو كونگرهكی كردستانی .
داخویانیا ناڤبوری ههروهها تهكهز كر ئهڤ گهف وهكو بهردهوامیهكێ نه ژ گهفێن كو تێن خوارن ل سهر نڤیسكار وروهشهنبیرێن كورد ژ سالا 2012ان ده وتا نهها ژ ئالیێ هندهك كهسان ل سهر مالپهرێن جڤاكا سڤیل .
یهكیتیا نڤیسكار وروژنهمهڤانێن كورد ل سوریا سهرباركر وگوت كو عنایهت دیكو یهك ژ وان كهسێن روشهنبیرن یێن كو ب شیوهیهكی راست كاركرن د حهفت سالێن بوری ده و نهها ژى گهڤ لێ تێ خوارن ژ ئالیێ مافیاتێن فیسبوكێ كو ب ئالیین سیاسی ڤه نه ژ بو فهرز كرنا نهرینهك تایبهت ل سهر جادا كوردستانی .
د داویا راپورتا خوه ده یهكیتیا ناڤبوری ئهڤ گهف وكریار شهرمهزار كر وپشتگریا خوه ژ نڤیسكار عنایهت دیكو ره دیاركرن وبانگ ل دهزگههێن كو د ڤێ وارێ ده كار دكن ژ ئالیێ ئالیگریێن پهیهدێ ورێژیما سووریێ كو دهڤ ژ ڤان كریاران بهردن ژ بهر كو ئهو ل پشت كریارێن ب ڤی ئاوهیی رادوهستن .
413