بێهترى 26 هه‌زار به‌رميل ل سووريێ هاتن ئاڤێتن
رێخستنه‌كه مروڤی ل سووریێ راگهاند كو رێژیما سووریێ ب هه‌زاران به‌رمیلێن ته‌قینه‌ر ل سووریێ ئاڤیتن ژ ده‌ستپێكا هاتنا روسیا ژ بو سووریێ د سالا 2015ان ده .
تورا سوری یا مافێ مروڤان د راپورته‌كه خوه ده راگهاند كو رێژیما سووریێ 26 هه‌زار و577 به‌رمیل ب سه‌ر باژار وباژاروكێن سووریێ ڤه ئاڤیتنه ژ ده‌ستپێكا هاتنا روسیا ژ بو سوورییێ د ئه‌یلونا 2015ان ده كو د سالا 2018ان ده 3601 به‌رمیل ئاڤێتن .
راپورتا ناڤبوری دیاركر كو د ئه‌نجاما ڤان ئیریشان ده 187 سڤیل ل سووریێ هاتن كوشتن دناڤ وان ده 51 زاروك و 55 ژن هه‌بون كو پرانیا وان ژ گونده‌وارێ شامێ بون وبتایبه‌ت غوتا روژهلات كو رێژیما سووریێ ئیریشه‌ك به‌رفره‌ه د سوباتا 2018ان ده بكارئانی تێده بێهتری 1396 به‌رمیلێن ته‌قینه‌ر هاتن ئاڤێتن .
هه‌ر ل گوری تورا سوری كو رێژیما سووریێ نیزیكى 917 به‌رمیلێن ته‌قینه‌ر ب سه‌ر پارێزگه‌ها ده‌رعا ڤه ئاڤیت ده‌ما كو هه‌ول ده ڤه‌گه‌رینه كونترولا خوه كو د ئه‌نجام ده 11 سڤیل بون قوربانی .
راپورتا ناڤبوری ئه‌شكه‌ره كر كو د ئیریشێن به‌رمیلێن ته‌قینه‌ر ده د سالا 2018ان ده ب ده‌هان ناڤه‌ندێن سڤیل هاتن ئارمانج كرن كو ل گوری ئامارێن وان بێهتری 35 ئیریشی ل سه‌ر ناڤه‌ندێن سڤیل به‌رمیلێن ته‌قینه‌ر هاتن بكارئانین .
د داویا راپورتا خوه تورا سوری یا مافێ مروڤان سه‌رباركر وگوت كو د سالا 2018ان ده هژمارا به‌رمیلێن كو هاتن ئاڤێتن ب سه‌ر باژارێن سووریێ ده كێم تربون ژ هه‌ژمارا سالا 2017ان كو تێده 6243 به‌رمیل هاتن ئاڤێتن و د ئه‌نجام ده 130 سڤیل هاتن كوشتن دناڤ وانده 55 زاروك و 32 ژن ژی هه‌بون .
304
