هه‌ژماره‌ك ئوتومبيل وئالاڤێن له‌شكه‌رى گهشتن بنگه‌ها ئه‌مريكى ل كوبانێ
هاته راگهاندن كو هێزێن هه‌ڤپه‌یمانیا ناڤده‌وله‌تى ب سه‌ركێشیا ئه‌مه‌ریكا هنده‌ك ئالاڤێن له‌شكه‌ری به‌رڤ كوبانێ ڤه شاندن دا كو ل بنگه‌ها له‌شكه‌ری یا ئه‌مه‌ریكى بجه ببن .
مالپه‌ر باس نیوز ل سه‌ر زارێ ژێده‌ره‌كێ كو ناڤێ وی به‌لاڤ نه‌كریه راگهاند كو ئه‌ڤ ئالافێن له‌شكه‌ری یێن كو هاتنه شاندن ئارمانجا وێ گه‌ره‌نتیا ژناڤبرنا داعشێ ل سووریێ وبتایبه‌ت ل دێرا زورێ ژ بو بداوئانینا رولا هێزێن ئه‌مریكی د سووریێ ده .
مالپه‌را ناڤبوری هه‌روه‌ها ئه‌شكه‌ره كر كو ئه‌و ئالاڤێن كو گهشتنه بنگه‌ها ئه‌مریكى ژ ئوتومبیل و جه‌بله‌خانه‌یان پێك دهاتن .
ده‌ربارێ ڤه‌كشاندنا هێزێن ئه‌مه‌ریكی به‌رڤ هه‌رێما كوردستانێ هه‌مان ژێده‌ری ئه‌شكه‌ره كر كو گوهه‌رتنه‌ك د له‌شكه‌ران ده رودده كو هاته دیتن بیجی له‌شكه‌رێن ئه‌مه‌ریكی یێن كو ل نیزیكى دێركێ بجه بوبون به‌رڤ هه‌رێما كوردستانێ ڤه دچون كو ل به‌رامبه‌رێ وێ به‌رده‌وام هه‌ڤپه‌یمانیا ناڤده‌وله‌تى یا لدژی داعشێ ب سه‌ركێشیا ئه‌مه‌ریكا ئالاڤێن له‌شكه‌ری به‌رڤ كوردستانا سووریێ ڤه تینه مینا ئالاڤێن كو هاتن به‌رڤ كوبانێ .
ژێده‌رێ ناڤبوری ته‌كه‌ز كر كو ئه‌مه‌ریكا ئه‌گه‌ر هات وخوه ژ سووریێ ڤه‌كشاند وێ چه‌كێن خوه ژ كوردان ره بهێله هه‌روه‌ها وێ به‌رده‌وام به د شه‌رێ ته‌رورێ ب ریا شاندنا ئالیكاریان وپێكئانینا ئێریشێن ئاسمانی ل دژی داعشێ وه‌كو پشتگریه‌كێ ژ چه‌كدارێن په‌یه‌دێ ره .
ئه‌ڤ یه‌ك تێ پشتی كو به‌ریا دو روژان هاته به‌لاڤكرن كو هێزه‌كه بچوك ژ له‌شكه‌رێن ئه‌مه‌یكی خوه ژ دێرا زورێ وگوندێ خراب عشك ل گونده‌وارێ كوبانێ ڤه‌كشاندن وبه‌رڤ هه‌رێما كورستانێ ڤه چون كو ل ئه‌ڤ یه‌ك وه‌كو گاڤه‌ك ده‌ستپیكی ژ بریارا سه‌روكێ ئه‌مه‌ریكا دونالد ترامپ ب ڤه‌كشاندنا هێزێن خوه ژ سووریێ هاته پناڤ كرن ل گوری چاڤدێران .
391
