پولتون: ڤه‌كشاندنا مه ژ سووريێ وێ هه‌ڤده‌مى پاراستنا هه‌ڤپه‌يمانێن مه به
شیوه‌رمه‌ندێ ئه‌وله‌هیا نه‌ته‌وی ئه‌مریكی راگهاند كو ڤه‌كشاندنا هێزێن وه‌لاتێ وی ژ سووریێ وێ وه‌ره پێكئانین هه‌ڤده‌می گه‌ره‌نتیا پاراستنا هه‌ڤپه‌یمانێن ئه‌مه‌ریكا ل سووریێ .
د كونگره‌كی روژنه‌مه‌ڤانی ده ل گه‌ل سه‌روك وه‌زیرێن ئیسرائیلێ بنیامین نتنیاهو شیوه‌رمه‌ندێ ئه‌وله‌هیا نه‌ته‌وی ئه‌مریكى جون پولتون راگهاندد كو ئه‌وێ بریارا سه‌روكێ ئه‌مه‌ریكا دونالد ترامپ ب ڤه‌كشاندنا هێزێن خوه ژ سووریێ وێ گفتوگو بكن .
روژنامه‌یا یدیعوت أحرنوت ل سه‌ر زارێ بولتون ئه‌شكه‌ره كر كو ڤه‌كشاندنا هێزێن ئه‌مریكی ژ سووریێ گریدایی سوزێن توركی ده‌ربارێ پاراستنا كوردان ل سووریێ هه‌روه‌ها پاراستنا هێزێن ئه‌مریكی ده‌ما ڤه‌كشاندنێ .
هه‌ر ده‌ربارێ كوردان پولتون دیاركر كو هه‌لوه‌ستا سه‌روكێ ئه‌مه‌ریكا ئه‌وه كو نابه توركیێ كوردان بكوژه وڤه‌كشاندنا ئه‌مریكی ژ سووریێ جیبه‌جی نابه ئه‌گه‌ر رێكه‌فتنه‌ك ب توركیێ ره نه‌هات ئیمزه كرن تێده كورد وه‌رن پاراستن.
بولتون به‌ریا سه‌ره‌دانا خوه ژ بو توركیێ ژی ئه‌شكه‌ره كر كو ئه‌مه‌ریكا تو ئیریشێن له‌شكه‌ری ژ ئالیێ توركیێ ڤه د سووریێ ده ناخوازه ئه‌گه‌ر نه ب هه‌ماهنگی ب ئه‌مه‌ریكا ره به .
ده‌ربارێ هه‌بونا میلیسێن ئیرانی ویێن حزب الله لبنانی د سووریێ ده پولتون ته‌كه‌زی ل سه‌ر گرنگیا پاراستنا اسرائیل وهه‌ڤالبه‌ندێن وێ یێ دن د ده‌ڤه‌رێ ده بگشتى .
ئیسرائیل هه‌ر ده‌م دبێژه كو هه‌بونا میلیسێن ئیرانی وحزب الله د سووریێ ده مه‌ترسیه ل سه‌ر ئه‌وله‌هی وسه‌روه‌ریا ئسرائیلێ له‌وما هه‌ر ده‌م وده‌مه‌كێ ئیریشێن ئاسمانی ل دژی وان میلیسان بكارتئانین .
308
