په‌يه‌دێ دخوازه گرتيێن داعشێ راده‌ستى رێژيما سووريێ بكه
هنده‌ك میدیایێن خوجه‌هی ژ سووریێ راگهاندن كو دانوستاندن دناڤبه‌را رێژیما سووریێ وچه‌كدارێن په‌یه‌دێ كو به‌شه‌كن ژ چه‌كدارێن سوریایا دیموقراتیك ده هه‌یه ده‌ربارێ چاره‌نڤیسا دیلێن داعشێ یێن ل جه‌م چه‌كدارێن په‌یه‌دێ نه .
تورا فه‌رات نیوز یا خوجه‌هی ل سه‌ر زارێ ژێده‌رێن خوه به‌لاڤكریه كو رێژیما سووریێ دخوازه دیلێن داعشێ یێن كو ل جه‌م چه‌كدارێن په‌یه‌دێ وه‌رگرن د دانوستاندنێن دناڤبه‌را وان وچه‌كاددرێن ناڤبوری ده .
هه‌ر ل گوری زانیاریان كو د دانوستاندنێن داوی ده ده‌ربارێ راده‌ستكرنا باژار وباژاروكێن كوردستانا سووریێ ژ بو رێژیما سووریێ رێژیما سووریێ داخوازا راده‌ستكرنا دیلێن داعشێ یێن بیانى كو ل جه‌م په‌یه‌دێ نه ژ بو خوه كریه .
ل گوری زانیاریێن ئاركێ كو هژمارا گرتی ودیلێن داعشێ یێن كو ل جه‌م چه‌كدارێن په‌یه‌دێ نه ده‌ردورا 2622 گرتی نه دناڤ وان ده 584 ژن و 1248 زاروك ژی هه‌نه كو نه‌ها ئه‌و د كامپه‌ك تایبه‌ت ده گرتینه و بن چاڤدێریه‌ك تایبه‌ت وبهێز ده نه .
به‌ریا نه‌ها ژی ئاژانسا نوچه‌یان یا ئه‌لمانی ل سه‌ر زارێ ژێده‌ره‌كی خوه راگهاندبو كو كو ده‌ردورا 970 گرتیێن داعشێ ل جه‌م په‌یه‌دێ هه‌نه ژ 48 وه‌لاتی لێ پرانیا وان ژ ئه‌مه‌ریكا وفه‌ره‌نسا وبریتانیا وبه‌لجیكا وشیشان و وه‌لاتێن یه‌كیتیا روسی هه‌روه‌ها وه‌لتاێن عه‌ره‌بی ژی وئه‌شكه‌ره كر كو 10 گرتى ل جه‌م وان هه‌نه ئیریشێن ته‌روری ل وه‌لاتێن دن پێكئانینه .
ژ ده‌ستپێكا شه‌رێ داعشێ ب سه‌دان چه‌كدارێن داعشێ بون دیل وگرتی د ده‌ستێ چه‌كدارێن په‌یه‌دێ ده لێ هه‌ر ده‌م و ده‌مه‌كێ ده چه‌كدارێن ناڤبوری هژماره‌ك گرتیێن داعشێ سه‌ربه‌ست به‌رددان ب ریا ده‌ستپشخریێن تایبه‌ت ژ سه‌روكێن هوزێن عه‌ره‌ب د ده‌ڤه‌رێ ده كو ئه‌ڤ یه‌ك بو جهێ نه‌رازیبونا ئالیێن خوجه‌هی وناڤده‌وله‌تی .
293
