ل ههوولێرێ پارتيا دهموكراتا كوردستان سووريا سالڤهگهرا سيهم يا ههر دو كۆمكوژێن كۆبانێ و عاموودا ڤهژاند
ArkNews :رێخستا ههوولێرێ يا پارتيا دهموكراتا كوردستان سووريا سالڤهگهرا سيهم يا ههر دو كۆمكوژێن كۆبانێ و عاموودێ ڤهژاند
ب بهشداريا نوونهراتيا ههرێما كوردستانێ يا ئهنجوومهنا نشتمانيا كوردي و سهركردهيێن پهدهكهسێ و بهر پرسێ رێخستنا پهدهكهسێ ل ههرێما كوردستانێ دهكتۆر عهبدولحهكيم بهشار و ههژمارهك ژ وهلاتيێن كۆبانێ و عاموودێ رێخستا ههوولێرێ يا پارتيا دهموكراتا كوردستان سووريا رۆژا سێشهمێ ئێڤاري سالڤهگهرا سيهم يا ههر دو كۆمكوژێن كۆبانێ و عاموودا ل ئۆفيسا رێخستنێ يا ل ههوولێرێ ڤهژاند.
بيرئانين ب ڤێخستنا موومان و وهلدانا وێنهيێن پاكرهوانان وبيستكك راوهستاندنا بێ دهنگ ل سهر گيانێن پاكرهوانێن ههر دو كۆمكوژيان و پاكرهوانێن كورد و كوردستانێ و سهركێشێ پاكرهوانان بارزانيێ نهمر دهستپێكر.
پشتي كو موستهفا باديني ئهندامێ كۆميتهيا ههرێمێ بخێرهاتنا بهشداران كر ل سهر هوورگوليێن ههر دو كۆمكوژيان ئاخفي و بهحسا تهرۆرا پهيهدێ ل عاموودا باڤێ محهمهد كر كو شهش وهلاتێن كورد د كۆمكوژيهكێ ده شههيدكرن و چاوانيا كۆمكوژيا كۆبانێ و گونهه و تهوانێن پهيهدێ تێده داخوياني .
نووري بريمۆ ئهندامێ كۆميتهيا ناڤهندي يا پارتيا دهموكراتا كوردستان سووريا گۆتنا پهدهكهسێ د ڤێ بوونهيا خهمگين ده دا و تێده ئاماژه ب رۆژا رهش يا كۆمكوژيا كۆبانێ و شههيدبوونا ب سهدن ژ زارۆك و ژن و مێران ل سهر دهستێن تهرۆۆريستان و ههڤالبهندێن وان كر ههر وهها ئماژه ب كۆمكوژيا جوانێن عاموودا يا ل سهر دهستێ چهكدارێن پهيهدێ كر و داخوازا ئهشكهرهكرنا بكارئينهران و سزادانا وان كر.
بريمۆ سهرباركر كو يهپهگێ و پهيهدێ د بهر كۆمكوژيا كۆبانێ ده بهرپرسن , ئهگهر كو وان رێ ڤهنهكربانه وێ چاوا داعش ب چهك وتهرۆريستێن خوه و ئالاڤێن لهشكهري يێن گران دهرباس بووبانه, و گۆت ژي وێ رۆژهك وهره كو وهلاتێن كۆبانێ ل سهر ڤێ كۆمكوژيێ وان دادگهه بكن , سهرباري كو تهڤلي كۆبانێ ل سهر دهستێ پێشمهرگه و هێزێن ههڤپهيمانيا ناڤدهوولهتي هاتيه رزگاركرن لێ پهيهدێ كۆبان كريه زندانهك و ناهێلن كو خهلهك ڤهگهرن مالێن خوه و داخواز ژ رێخستنێن ناڤدهوولهتي كر كو فشارێ ل سهر پهيهدێ بكن داكو سياسهت و شێوهيێن خوه ل ههرێمێن كوردي بگشتي بگوههره.
597
