دوو تهقين ل ناڤهندا باژارێ عهفرينێ چێبوون
شهڤا چارشهمێ بيست وشهشێ ههيڤا حزێرانێ شهر وپهڤچوونهك گران ناڤبهرا دوو گرووپێن چهكدار ل ناڤهندا باژاڕێ عهفرينێ روودا كو د ئهنجامده كوشتي وبريندار كهتن.
ل گۆر ژێدهرێن خوهجهي كو شهر ناڤبهرا گرووپا لواء الموعتهسم وچهكدارێن الجهبهه الشاميێ ده ل ناڤهندا باژارێ عهفرينێ دهركهت و تا سبا رۆژا چارشهمێ شهر بهردهوام بوو ودهنگێ فيشهكان دهاته بيستن.
ژێدهرهك تايبهت ژ ناڤهندا باژێر ژ ئاركێ دا دياركرن دهما شهر روودايه دهنگێ توپهكێ هاته بيستن و تێ گوومانكرن كو ژ ئاليێ ئارتێشا توركيێ ڤه هاتبه ئاڤێتن ژبهر كو شهر ناڤبهرا وان ههردوو چهكدارێن ناڤبوري رانهوستيا.
رۆژا چارشهمێ بيست وحهفتێ مهها حزێرانێ دوو تهقين ل ناڤهندا باژارێ عهفرنيێ روودان ولگۆر زانيارێن ئاركێ كو تهقين دهردۆرا دهمژمێر يهكێ نێڤرۆ ل نێزيك تاخا پێشهسازيێ جهم پهيكهرا كاوايێ ههسنكار ويا دوويهم نێزيك نهخوشخانهيا دێرسمێ بوو كو د ئهنجاما وان ههردوو تهقينان ده شههيد وبريندار ههنه.
پهرچه ڤيديو ل سهر تۆرا جڤاكي هاتن بهلاڤكرن تێده هن وهلاتي ب ماتۆرێن خوه ڤه شهوتينه لێ نهخويانه وهلاتێني عهفرينێ نه يان چهكدارن . ژێدهرا ئاركێ ههروهها بال كشاند سهر وێ يهكێ و گوت تا نها نههاتيه ئهشكهرهكرن كو ئهو تهقين د ئهنجاما ئيريشهكه ئهسماني ده بوو يان ئهنجاما تهقينا مايينان ده بوو وهن كهس وێ تهقينێ ب شهرێ چهكدارێن لواء المعتصم وچهكدارێن الجبهه الشاميێ ڤه گرێددن.
شێخۆ عهفريني
1529
