چار سال سهر شههیدبوونا 4 پێشمهرگهێن رۆژ دهرباس دبن
آرك نيوز .. د حهفتێ چهلهیا سالا 2015ان ده چار پێشمهرگهیێن لهشكهری رۆژ ل ههرێما كوردستانێ د شهرێ مهزنترین رێخستنا تهرۆری ل جیهانێ رێخستنا داعشا تهرۆر خوه كرن جانگۆریێ خاكا وهلاتێ پیرۆز وناڤێ خوه دناڤ باگروان ده تۆماركرن .
پاكرهوان بسام خلف و باسل حاجی و غمگین قدری و أمگیان بادینێ د رۆژا چارشهمێ د ههفتێ مههێ سالا 2015ان ل دبستانا خرایج ل ناڤچهیا تلعفر ل ههرێما كوردستانێ بوونه قوربانی وشههید بوون .
رێخستنا داعشا تهرۆر د رییا ئۆتۆمبێلهكه لهشكهری ژ جۆری ههمر خالهكه كۆمبۆنهكا هێزێن پێشمهرگهێن رۆژ ل گوندێ برحێوه ل ناڤچهیا تلعفر كر ئارمانج و د ئهنجامدا ههر چار پێشمهرگه لهشكهرێ رۆژ شههید بوون.
پاكرهوان بسام محمد خلف ژ گوندێ گرزیارهتێ چۆلێ یێ سهر ب گركێ لهگێ یێ جزیرا رۆژئاڤایێ كوردستانێ یه .
باسل حاجی حاجی حاجی ژ گوندێ تل خنزیر یێ سهر دێركا رۆژئاڤایێ كوردستانێ ڤه یه .
غمگین قدری عوسمان ژ گوندێ دیرۆنا قۆلنكا یێ سهر ب پاژارۆكێ تربهسپیێ یێ قامشلۆ یه .
أمگیان مصطفی بادینی ژ تاخا مفتی یا باژارێ حهسهكێ یێ رۆژئاڤایێ كوردستانێ یه .
د 8 بهرچلهیا سالا 2015 ئانگۆ پشتی شههیدبوونا وان ب رۆژهكێ ژ بۆ رۆژئاڤایێ كوردستانێ هاتن رێكرن ول دهرگههێ سیمالكا یا ههسینۆر ناڤبهرا رۆژئاڤا ههرێما كوردستانێ ره ب ههزاران ژ خهكێ رۆژئاڤایێ كوردستانێ پێشوازی ل چهنهزهیا شههیدان كرن .
ههروهها شێنهیهك مهزن خاترا خوه ژ وان پێشمهرگهیان ل ههرێما كوردستانێ ل پێش نهخوهشخانهیا پژیشكا دادوهری ل پارێزگهها دهۆكێ خوهستن و ب جهنازییان ره تا سینۆری رۆژئاڤایێ كوردستانێ چوون .
وژ بلی پهنابهرێن رۆژئاڤایێ كوردستانێ سهركردهیێن ئهنجومهنا نشتیمانی یا كوردی ل سووریێ و پارتیا دهمۆقراتا كوردستان سووریا وبهرپرسێ نڤیسگهها پهیوهندییان یا پهدهكهسێ ل ههۆلێرێ ئامهدهبوون .
وههرچار پێشمهرگهێن لهشكهرێ رۆژ ل ناڤ خاكا خوه ل رۆژئاڤایێ كوردستانێ بخاك هاتن سپارتن .
هێزێن پێشمهرگهێن رۆژ ژ جوان و كهچێن رۆژئاڤایێ كوردستانێ پێكتێ و ل ههرێما كوردستانێ كهتن مهشق وراهێنانێ ده و د شهرێ داعشا تهرۆر و حهشدا شهعبی ل كێلهك هێزێن پێشمهرگه شهرێ وان ههردوو داگیركهران كرن و ب دههان ژ وێ هێزێ د شهرێ بهرڤانییا كوردستانێ شههید بوون و ناڤێ خوه ب سهربلندی و شانازییهكه مهزن تۆماركرن .
ش.ع
569
