سەركردەیەكی پەكەكێ ئەمێ ل دژی هەر هەڤپەیمانەكێ ل دژی ئیرانێ بە ل ناڤچەیێ راوەستن
سەرۆكێ هەڤبەش یێ دەستەیا جیبجیكار یا رێخستنا جڤاكا كوردستانی (كەجەكێ)و سەركردەیێ پەكەكێ جمیل بایك، راگهاند كو ئەمەریكا هەولا ئاڤاكرنا هەڤپەیمانەكە نوو ل دژی ئیرانێ ل ناڤچەێ ددە كو پێك تێ ژ (عیراقێ و توركێ وكوردێن ل دژی ئیرانێ)، لێ پەكەكێ وێ یەكێ قەبوول نەكە ونەهێلە هەولا وێ بچە سەری.
تشتا كو بالكێشە د هەڤپەیڤینا بایك دە ، كو ژ راگهاندنا پەكەكێ رە دایە، و ب تایبەتی ژی، ئاژانسا نووچەیان فرات، كو مینا بەردەڤكێ فەرمی یێ پەكەكێ یە، ئەڤ پەرەگرافا كو بەحس دكە كو پەكەكێ وێ ل دژی هەولا ئەمەریكا راوەستن، تەنێ د بەشێ زمانێ توركی یێ ئاژنسا پەكەكێ دە هەیە و د هەردو بەشێ عەرەبی و كوردی ب هەردو زارافێن كورمانجی و سۆرانی دە، ئەو پەرەگراف رەشكرییە.
هەروها سەركردەیێ پەكەكی بایك دا زانین كو، ئەمەریكا هەول ددە كوردان ژی بكشینە ناڤ وێ هەڤپەیمانێ، كو لدژی ئیرانێ یە و ژ توركێ وعێراقێ پێك تێ، لێ ئەم ناهێلن و ئەمێ ل دژی ئەمەریكا راوەستن بەهەموو شیانێن خوە ڤە.
پەكەكێ پەیوەندییەكە بهێز لگەل هەردو رێژیمێن ئیرانێ و سووریێ ژ سالێن هەشتییان ڤە هەیە .
ر.ع
722
