علی مسلم: رێكەفتن ل گەل پەیەدێ دڤێ ل سەر بنگەهنە نەتەوەیی نشتیمانی بهێز بە

ئەندامێ كۆمیتا ناڤەندی یێ پارتیا دەمۆقراتا كوردستان – سوریا "پەدەكەسێ"، علی مسلم، دەربارێ ڤەخوەندنا كۆنگرا نشتیمانییا كوردستانی یا پەیەدێ دە، ژ ئاركێ رە دا زانین كو چ رێكەفتن ژبۆ یەكرێزییا ناڤمالا كوردی دگەل پەیەدێ ودەزگەهێن وێ وەرە كرن، دڤێ ل سەر بنگەهنە نەتەوەی نشتیمانی بهێزە بە.

سەركردەیێ پارتیێ، دا زانین، كو دڤێ ئەنجومانا نشتیمانیا كوردی ل سووریێ(ئەنەكەسێ)ل سەر ڤان بنگەهان دگەل رێخستنا ب ناڤێ كەنەكێ ل هەڤ بكە، ئەو ژی ، ڤەگەرا پێشمەرگەیێن رۆژ بی شەرت ومەرج و بلاڤبوونا وان ل هەموو ناڤچەیێن كوردستانا سووریێ.
وهەروها دارشتنا پرۆژەیەكێ سیاسی تەمام كو مافێن سیاسی یێ مللەتێ كورد ل سووریێ ب ووردی دیار و ئاوایێ تێكلیێ ب پێكهاتەێن دن یێ مللەتێ سووریێ رە بكە.

علی مسلم، گۆت، دڤێ ئالییەكە ناڤدەولەتی نەتەویی یەكگرتی مینا گارەنتییەكە ژبۆ ڤێ رێكەفتنێ هەبە، وهەورها پەیەدێ ب تەمامی تێكلیێن خوە ب رێژیما سووریێ رە ببرە و داخوازا لێبۆرینێ ژ مللەتێ كورد بكە، پشتی وان هەموو كریاروبنپێكرنان كو دەرهەقێ مللەتێ كوردە كرییە.
سەركرەیێ پارتی دەمۆقراتی كوردستان – سوریا، علی مسلم، گۆت دڤێ ئستراتیجیەتەك ژبۆنا ڤەگەرا پەنابەران وەرە دانین ودەستهلات و دابەشكرنا سەروەت وسامانێن وەلات ب ئاوایەكە وەكهەڤی بە.

رێخستنا ب ناڤێ كۆنگرا نشتیمانی كوردستانی، كەنەكێ یا سەر ب پەیەدێ ڤە بەری چەند رۆژان ڤەخوەندنەك بلاڤ كری بوو و داخواز ژ ئالیێن كوردی ل كوردستانا سووریێ كربوو داكو ب هەڤرە یەكرێزیا ناڤمالا كوردی بپارێزە و ل پێش گەفێن توركێ و هەر مەترسیەكێ راوەستە.

ر.ع

617