عهفرين .. بهلگهكرنا قوربانيێن كو ب دهستێ گرووپێن چهكدار هاتنه تهرۆركرن
گرووپێن چهكدار يێن ل عهفرينێ دمينن د كارێ تهرۆركرن ولێدان وئهشكهنجهكرنا سڤيلان ده بهردهوامن و ژدهسپێكا دهرباسبوونا عهفرينێ ب بهانهێن جودا جودا بنپێكرنان دهرحهڤێ سڤيلان ده پێكتينن.
يهكهم بنپێكرن د وارێ كوشتنێ ده د 12ێ مهها ئادارێ دهبوو كو وهلاتيێ گوندێ چهقهلا يێ شيێ مهحرهم خۆجه ژ ئاليێ گرووپێن چهكدار ڤه هاته بنچاڤ كرن و پشتي حهفتهيهكێ ژ مالباتا وي ره گوتن كو مهحرم ل نهخوشخانهيكه كلسێ ده ژيانا خوه ژ دهست دايه. يهك ژ مالباتا مهحرم خۆجه ژ ئاركێ دا خوياكرن كو ب تهنێ چهكداران نووچهيا ژيانا ژ دهست دانێ ژ وان ره ئانيننه و نهخوهستن تهرمێ وي رادهستي مالباتێ بكن وژ وان رهگوتبوون ل ناڤچهيا شرا ب خاك هاتيه سپارتن.
ههر د مهها ئادارێ ده وهلاتيێ گوندێ حهسندێرا يێ شهرا سيدو شێخۆ ژ بهر كو نه خوهست ئوتومبێلا خوه بده چهكداران هاتة گوله باران كرن.
د 8مهها نيسانێ گرووپا جبهه الشاميه وهلاتييێ كێم ئهندام نشات سلێمان ل سهر رێبهندا گوندێ حوسێ يێ موبهتا تهرۆركر ول گۆر ژێدهرێن خوهجهي كو ب تهنێ ژ بهر كو نشات سلێمان ل سهر رێبهندا گوند نه راوستيا گرووپا الشاميه گوله بهردان وئهو تهرۆركرن.
د 7ێ مهها گولانێ ئهندامێ ئاسايشا پهيهدێ حنان نهعسان ل زيندانا سهرايا يا ناڤهندا باژێر دبن ئهشكهنجێ ده هاته تهرۆكرن كو حهنان نهعسان 31 سالي بوو وباڤێ دوو زارۆكانه.
د 20 مهها گولانێ گرووپا الحمزه يا ئهبوو مهنسوور الحياني ل گوندێ كوسا يێ مهيدانا يا ناڤچهيا راجۆ موقداد موستهفا اسماعيل ل پێش جاڤێن ههڤژين وزارۆكێن وي دان بن لێدانێ وسهدهما لێدانێ ول گور حهسهن رهشيد كو ژ گوندێ كوسايه ژ ئاركێ راگهانديه دهما موقداد اسماعيل ژ باژارێ عهفرينێ ڤهدگهري پهلكا رێدانێ ژ وي خوهستن وتهڤي بهلكا رێدانێ ژ توركان دروست كربوو لێ ئهو گرووپ پێ پابهند نه بوون ولگوندێ كوسا وپانێراكا ل وي دان.
د22 مهها گولانێ گرووپێن چهكدار ئيريش برن سهر مالا موستهفا عهبدۆ شاهين ل تاخا زێديێ يا ناڤهندا باژێر ودهما ههولدا بهرهڤانييا خوه بكه ژ ئاليێ گرووپێن چهكدار ڤه هات تهرۆكرن موستهفا عهبدۆ شاهين خهلكێ گوندێ گۆبهكێ يێ موبهتا يه وماموسته بوو وكارێ بازرگانيێ ده كاردكر.
د مهها شهشان ئهنكو حزێرانێ ده گرووپێن چهكدار كارێ تهرۆركرنا وهلاتييان بهرفهرهتر كرن وهن وهلاتي د كارڤهدانێن نه ديار ده هاتن تهرۆركرن وهك وهليد عهلاوي كو ل سهر ريا باسوتێ د 7ێ مهها شهشان ده كوشتي هاتبوو ديتن وهليد عهولاوي د دبستان فێسهل قهدوور ده كاردكر وههروهها كارێ ئاژۆكاريێ ژي دكر.
د ههمان رۆژێ ده ئهحمهد مستۆ فهرماندارێ جبهه الشاميه ل ناڤچهيا بلبلێ هاته تهرۆركرن ووسهدهما تهرۆركرنێ ول گور ژێدهرێن تايبهت كو وێ ب كارێ ئهشكهركرنا بنپێكرنێن چهكداران و پێشكێشي برپرسێن توركان كربا كو ئهحمهد مستۆ ل جهم خهلكێ عهفرينێ ب پرنسيپ ورهوشتا خوه ناڤدار بوو .
د 12ێ چێگرێ سهرۆكێ ئهنجومهنا خوهجهي يا ناڤچهيا شيێ و ئهندامێ پارتيا دهموقراتا كوردستان سوريا ئهحمهد شێخۆ ژبهر لێدان وئهشكهنجێ د زيندانا گرووپا محمهد جاسم ابو عمشه ل شيێ شههيد بوو وتهڤي گرووپا عهشمات دان ب تهرۆركرنا شێخۆ نه كرن لێ برايێ وي موستهفا شێخۆ ژ ئاركێ تهكهز كر كو ئهحمهد شێخۆ ژبهر لێدان وئهشكهنجهێ ژيانا خوه ژدهست دايه.
د 14ێ مهها حزێرانێ گرووپا فرحان عگێدي يا سهر ب سولتان موراد ڤه ل گوندێ خليلانكا يێ بلبلێ وهلاتيێ ب ناڤێ محمد ابراهيم دهما كو ژ كارێ خوه ژ باژارێ عهفرينێ ڤهدگهري مالا خوه ل سهر رێبهندا گوند بنچاڤ كرن وپشتي وێ ب رۆژهكێ سهربست هاته بهردان لێ ژبهر لێدان وئهشكهنجهيا ب هێز محمهد ابراهيم ژبۆ نهخوشخانهيا توهركيێ هاته ڤهگوههستن ژ بهر كو نهخوشخانهيێن عهفرينێ نهكارين پێشوازي ل رهوشا وي بكن.
ههروهها هن وهلاتي دهما پارهيێن كو ل سهر وان تێن سپاندن ژ چهكداران ره نكارن دابين بكن راستي ئهشكهنجهێ تێن د 17 ێ مهها شهشان گرووپا الشرقيه ئهحمهد سيدۆ ژ تاخا زێديێ رهڤاندن و ژمالباتا وي 4000 دولار ئهمهكي خوهستن لێ ژبهر كو مالباتێ نكارين وان پهران بدن گرووپا الشرقيه داخستن 1000 دولار وتهڤي مالباتا سيدۆ 1000 دولار دانه وان چهكداران ئهو راستي لێدانێ هات.
ههروهها بهريا دهمكێ گرووپا سولتان موراد موستهفا مهحموود دهروويش ژگوندێ قهرمتلق دانه بن لێدان ژ بهركو نكاري 15 ههزار دولار ژ وان ره وهك فديه ل ههمبره سهربست بهردانێ دابين بكه و ژبهر وێ لێدانێ راستي پووجبوونێ ئهنكو شهلهلێ هات.
رۆژا 19 مهها شهشان ل ناڤهندا باژارێ ب شهڤێ گرووپێن چهكدار ئيريشي مالا سامي القۆج كرن وخوهستن مالا وي بدزن لێ ژبهر كو القۆج بهرهڤانييا خوه كر ئهو برايێ وي هاتن گولهباران كرن د ئهنجامدا سامي القۆج ژيانا خوه ژدهست دا وبرايێ وي بريندار بوو وژ بهر وێ يهكێ خوهپيشاندهك ل ناڤهندا باژێر رابوون وخوهستن چهكدار ژ عهفرينێ دهركهڤن.
ب دههان رهوشێن وهها هاتنه تۆماركرن وبهشهك ژ مالباتان خوهستن كو بهحسا وان ل سهر راگهاندنا نه ێي كرن ژ بهر كو مهترسييك ژ وان گرووپان ههيه وتهڤي بهربلاڤبوونا وئهشكهرهبوونا كارێ وان چهكداران ل عهفرينێ لێ تا نها حكومهتا توركيێ وهك دهولهتهكه دارگيركهر ژ عهفرينێ ت ههولێن رژد ژبوو داينا سينوركه ژ وان كرياران ره نهكريه.
شێخۆ عهفريني
437