نيزيكى 1000 پهنابهرێن سووريێ د روژهكێ ده ڤهگهريان سووريێ
ناڤهندا روسی یا پێشوازیكرنا پهنابهرێن سووریێ راگهاند كو دوه روژا پێنج شهمێ بێهتری ههزار پهنابهری ڤهگهریان خاكا سووریێ د ههیاما بیست وچار دهمژمێران ده .
ناڤهندا روسی یا تایبهت ب پیشوازیكرنا پهنابهرێن سووریێ راگهاند كو دوه 1023 پهنابهر ب ریا لبنانێ ڤهگهریان سووریێ گو پرانیا وان ژن وزاروك بون كو د ریا دهرگههێ جدیده یابوس وتلكلخ دهرباس بون .. بتهنێ 671 كهس ب ریا دهرگههێ نصیب ژ ئوردنێ هاتن .
داخویانیا ناڤهندا ناڤبوری ئهشكهره كر كو د دبیست وچار دهمژمێرێن بورى ده 28 كهس ڤهگهریان غوتا روژهلات ل گوندهوارێ شامێ ههروهها 169 كهس ڤهگهریان پارێزگههێن دێرا زورێ وشام وحمصێ .
ل گوری داخویانیا ناڤبوری كو ئهڤ ڤهگهرا پهنابهران هات پشتى كو ئالیێن بهرپرس یێن رێژیما سووریێ وب پشتڤانیهكه روسی پرانیا بومبهیێن كو هاتبون چاندن ل پارێزگههێن شام وقنیتره وحمص راكرن لهوما هژمارهك مهزن ژ پهنابهران بهرێ خوه دان دهڤهرێن خوه یێن ئارام .
ناڤهندا ناڤبوری د داخویانیا خوه ده دیاركر كو ژ 18 تیرمهها 2018ان ده وتا نهها 86537 پهنابهرێن سووریێ ڤهگهریانه وهلاتێ خوه كو پرانیا وان ژ ئوردن وسوریێ هاتن .
ناڤهندا روسی یا پیشوازیكرنا پهنابهران بهریا چهند ههیڤان ژ ئالیێ وهزارهتا دهرڤه یا روسیا هاته دامهزراندن كو كارێ وێ پیِشوازیكرن ودابهشكرنا دهربهدهر وپهنابهرێن سووریێ كو ئهڤ یهك كهته د چارچوڤهیا دهستپێشخریا روسی یا تایبهت ب ڤهگهرا پهنابهرێن سوری ژ بو مال وملكێن وان .
455
