گرووپێن چهكدار رهوشهك تهڤليههڤيێ ل گوند وباژارێ عهفرينێ چێكرن
پشتي راگهاندنا ئهنجامێن ههلبژارتنێن توركيێ و سهركهتنا پارتيا دهسههلات پارتيا گهش وپێدانێ گرووپێن چهكدار وهك دياركرنا شابوون وكێفخوهشييێن خوه د سهركهفتنا پارتيا سهرۆكێ توركيێ ئهردوغان گوله د ئهسمانان ده بهردان و رهوشهك تهڤليههڤيێ ل ناڤهندا باژێر و گوند وناڤچهيێ عهفرينێ چێكرن.
ل گۆر وهلاتيێن عفرينێ كو شهڤا دوشهمێ24/6/2018 بيست وچارێ مهها حزێرانێ وب تايبهت پشتي كو پارتيا دهسههلات ل توركيێ پهلهيا يهكهم ب دهست خوه ڤه خست گرووپێن چهكدار رهوشهك تهڤليههڤيێ ل گوندێن وباژارێ عهفرينێ ب گوله باردانێ چێكرن.
مالباتهك عهفرينێ ژ ئاركێ ره راگهاند كو دهما فيشهك هاتن تهقاندن رهوشهك ترسێ ل چهم وان وخهلكێ عهفرينێ چێبوون ژ بهر كو هژمارهك مهزن ژ فيشهكان هاتن ئاڤێتن.
ل ئالييهكێ دن بهريا كو ئهنجامێن ههلبژارتنان وهرهن ئهشكهرهن كرن ل هن گوندان گرووپێن چهكدار ههول دان ب زۆرا چهكان خهلكێ گوندان داخينن كۆلانان داكو پشتهڤانيا ئهردۆغان بكن ول گۆر زانيارێن ئاركێ كو خهلكێ رازينهبوو داكهڤن كولانان.
ژێدهرێن خوهجهي ئهشكهرهدكن كو د ئهنجاما گولهباران دۆه ده هن وهلاتيێ بريندار بوونه لێ تا نها ناڤێن وان نه هاتنه ئهشكهرن كرن ههروهها ترسهك مهزن كهته دلێ خهلكێ ده .
ژ دهسپێكا دهرباسبوونا گرووپێن چهكدار ژ ناڤه عهفرينێ و ههر دهمهكێ كێفخوهشييا خوه د كونترلوكرنا عهفرينێ ددن دياركرن وبرپرسێن وان دبێژن راسته وان غوتا دهردان لێ عهفرينێ ب دهست خوه ڤه خستن وسياسهتمهدارێن كورد دبێژن پێويسته ئهو فيشهكێن كو دۆه هاتنه ئاڤێتن ژبۆ بهرڤانييا دهرعاێ كو كهتيه بن تانك وتۆپێن رێژيما ئهسهد بهاتبان بكارئانين .
شێخۆ عهفريني
682
