بهرپرسهكه پهيهدێ: نه گرنگه ئهگهر ئهمهريكا خوه ڤهكشاند ژ سووريێ يان نا
بهرپرسهكه پهیهدێ راگهاند كو ئهو تو گرنگیێ نادن چون یان مانا هێزێن ئهمریكى ل سووریێ وبهحسا گفتوگویێن خوه یێن بهردهوام ب رێژیما سووریێ ره كرن .
سهروكا ههڤبهش یا ئهنجومهنا رهقا یا سڤیل كو ب سهر پهیهدێ ڤه یی لهیلى مصتفى راگهاند كو ل جهم وان نه گرنگه ئهگهر هێزێن ئهمریكى ل سووریێ مان یان چون وتهكهزى ل سهر دانوستاندنیێن خوه ب رێژیما سووریێ ره كر .
مصتفى د چالاكیهكه پهیهدێ ده ل رهقایێ ئهشكهره كر كو چهكدارێن قهسهدێ كو پهیهدێ بهشهكى سهرهكهنه تێده بهریا نهها دانوستاندن ب نونهرێن رێژیما سووریێ ره كرن ههروهها بهریا دهمهكى ژى دانوستاندن ب وان ره ل بازاروكێ عین عیسى كرن .
مصتفى ههروهها تهكهز كر كو ئهو پشتا خوه ب خوه ڤه گرێددن وبالكشاند سهر وێ یهكێ كو ئهوێ د گفتوگویێ خوه ده ب رێژیما سووریێ ره بهردهوام بن.
د بهشهكى دن ژ گوتنا خوه مصتفى گهف ل راگهاندكار و روژنهمهڤانێن كو ل دژى وان كار دكن یان نوچهیێن نه ب دلێ وان بهلاڤ دكن خوار وگوت كو وێ جهزایا وان نه ئاسان به .
بهریا نهها ژى سهروكێ ههڤبهش یێن ئهنجومهنا رهقا یا سڤیل یا كو پهیهێ ل رهقایێ دامهزراندبو مشلب درویش راگهاندبو كو پهیوهندیا وان ب رێژیما سووریێ وهك پهیوهندیا باڤ وزاروكێن خوه یه .
449
