ئیبراهیم برۆ: ڤەگەرا لەشكەرێ رۆژ پێویستی ب رێكەفتنا سیاسی هەیە

آرك نيوز...ئەندامێ كۆمیتەیا پەیوەندیێن دەرڤە یا ئەنجوومەنا نشتیمانی یا كورد ل سووریێ دبێژە ئەمەریكا گەلەك هەول دا , داكو ئێریشێن توركیا ل سەر رۆژئاڤایێ كوردستانێ نەبنە راستی , ئەوژی د ریێا ڤەگەرا لەشكەرێ رۆژ ڤە بۆ رۆژئاڤایێ كوردستانێ.

ابراهیم برۆ ئەندامێ كۆمیتەیا سیاسیا پارتیا یەكیتی كوردستانی سوریا راگەهاند كو پەیەدە ل هەمبەر تەڤایا هەولێن ئەمریكا ژ بۆ رێگری كرنێ ل ئێریشێن توركیا راوەستیا , وتەڤایا ناڤچەیێن كوردستانی ب بێ شەرت ومەرج رادەستی رژێما ئەسەد كر , وب تووندی رێگری ل ڤەگەرا لەشكەرێ رۆژ بۆ رۆژئاڤایێ كوردستانێ كر .

ئەندامێ كۆمیتەیا پەیوەندیێن دەرڤە یا ئەنجوومەنا نشتیمانی یا كورد ل سووریێ گۆت كو رۆژەك ژ رۆژان لەشكەرێ رۆژ وێ ڤەگەرنە رۆژئاڤایێ كوردستانێ , ژ بەر كو ب خوە رۆل ولاوێن رۆژئاڤایێ كوردستانێنە , وئەركە ل سەر وان رۆژئاڤایێ كوردستانێ بپارێزن , وڤەگەرا لەشكەرێ رۆژ بۆ رۆژئاڤایێ كوردستانێ پێویستە ب رێكەفتنا سیاسی بە .

ابراهیم برۆ گۆت كو ئەمریكا گەلەك هەول دا داكو لەشكەرێ رۆژ ڤەگەرە رۆژئاڤایێ كوردستانێ , ئەوژی داكو ئێریشێن توركیا نەبنە كردار , وئێریشی رۆژئاڤایێ كوردستانێ نەكن , لێ مخابن پەیەدە دەست بجه تەڤایا ناڤچەیان رادەستی رژێما ئەسەد كر كو خوینا هەزاران لاوێن كورد ژ بۆ رزگاركرنا وان ناڤچەیان رژاندبوو .

ئەندامێ كۆمیتەیا سیاسیا پارتیا یەكیتی كوردستانی سوریا سەرباركر وگۆت كو پەیەدە ب تەڤایا بژاردەیان رازیە , ژ بلی بژاردەیا ڤەگەرا لەشكەرێ رۆژ بۆ رۆژئاڤایێ كوردستانێ , وپێویستە ڤەگەرا لەشكەرێ رۆژ ب رێكەفتنەكە سیاسی ودبن سەرپەرشتیا وەلاتان دە وەرە پێكئانین .

برۆ گۆت كو پەیەدە گوه نەدا ئەمەریكا داكو كێشەیێن رۆژئاڤایێ كوردستانێ وەرنە چارەسەكرن , لەوما د دەما نهادە رەوشا رۆژئاڤایێ كوردستانێ بەرەڤ ئالۆزبوونێ دچە , وكارەسات ونەهامەتی چاڤەریا گەلێ كورد ل رۆژئاڤایێ كوردستانێ دكن .

ز.ح

571