ئهنجومهنا نشتیمانی یاكوردی ل سووریێ داخویانییهك بهلاڤ كر
ئهمینداریا گشتی یا ئهنجومهنا نشتیمانی یا كوردی ل سووریێ داخویانییهك دهربارێ خستنا رێژیما سووریێ ناڤێ بهرێز مسرور بارزانی راوێژكارێ ئهنجومهنا ئاسایشا ههرێما كوردستانێ وبهربژێرێ پهدهكێ یا سهرۆكاتییا حكومهتا ههرێما كوردستانێ د ناڤ لیستهیا تهرۆرێ ده بهلاڤ كر.
د داخویانییا دوه 31/12/2018ان یا ئهنهكهسێ ده هاتیه دهستهیا ب ناڤێ دژی سهختهكرنا پهریان وپهرپێدانا تهرۆرێ یا سهر ب رێژیما سووریێ ڤه لیستهیهك تێده هژمارهك ژ كهسایهتی وكهیان كو پشتگریا تهرۆرێ دكه راگهاندیه، و جهێ سهیر و ماتمایێ یه كو ناڤێ بهرێز مسرور بارانی راۆێژكارێ ئهنجومهنا ئهولهكارییا ههرێما كوردستانێ ژی د ناڤ وان ناڤان ده بوو.
ئهنجومهنا نشتیمانی یا كوردی ل سووریێ ههروهها دایه زانین كو خستنا ناڤێ بهرێز مسرور بارزانی د ناڤ وێ لیستهیێ دد خویاكرن كو تو بنگهه و بنامه ژ وێ دهستهیێ ره تونهیه وب تهنێ ئهو دهسته كار سهر راگهاندنا نووچهیێن نهراست و سهختهكرن وڤهشارتنێ دكه . ههموو رۆلا سهرپرشتیار وسهركردایتییا ههرێما كوردستانێ نهخاسم رۆلا بهرێز مسرور بارزانی د شهرێ تهرۆرێ ده ودوورخستنا تهرۆرێ وهك ههڤالبهندهكی چالاك د ههڤپهیمانییا ناڤدهولتی یا دژی تهرۆرێ ده دزانن . ئهو یهك ژ ئالیێ جیهانێ ڤه داپێدان ب وێ یهكێ كرن كو بهرهڤانی وبهرگریێ دبهر مرۆڤاهیێ ده وپارستنا وێ ده دكن وئهو شۆفینێ ژی باش دزانن .
ئهمینداریا گشتی یا ئهنجومهنا نشتیمانی یاكوردی ل سووریێ ههروهها بال كشاندیه سهر وێ یهكێ كو دهردۆرا 250 ههزار یێن ژ دۆژهه وتهرۆرا سووریێ رهڤییان ل ههرێما كوردستانێ ب جه بوون و ب ئاشتی و ئارامی دژین و سهرۆكاتییا ههرێما كوردستانێ كو بهرێز مسرور بارزانی یهك ژ وان گوهدانێ ددن وان كهسێن كو ژ سووریێ رهڤییانه و ل ههرێما كوردستانێ ب جه بوونه .
ئهنهكهسێ سهربار كریه كو دچارچۆڤهیا سالێن بووری ژ شهرێ سووریێ ههردهم سهرۆكاتییا ههرێمێ ب چارهسهركرنا كریزا سووریێ ب ریێن سیاسی وئاشتیانه بوو ، جهێ روومهت بوو كو ب گهلێ سووریێ د ئاستهنگییا وێ ده راهستییا ههروهها ب گهلێ كورد و بهرڤانی د بهر ماڤێ وان یێن نهتهوی و رهوایی ده كر .
د داوییا داخویانییا خوه ده ئهنجومهنا نشتیمانی یا كوردی ل سووریێ ئاماژه پێ كر و گوت تۆمهتكرنا رێژیما سووریێ ژ بهرێز مسرۆر بارزانی ره تو جاری ژ قهدر ورۆلا وی یا سهرۆكاتی و مرڤی ورۆلا ههرێما كوردستانێ كێم ناكه بهرۆڤاژی وێ یهكێ رێز وحورمهتا وان ل جهم ئازادیخوازان و كهسێن بروومهت وههر كهسهك د روویێ تهرۆر و كریار وبنپێگرنێن وان راوهستییا زێده و ب هێز تر دكه .
ش.ع
717
