نڤيێ خومێنێ ئامژه بروخاندنا رژێما ئيراني دكه
ئارك نيوز .. حهسن ئهلخومێني نهڤيي روح الله الخوميني دامهزرينهرێ رژێما ئيراني دهرفهتێن حكومهتا ئيرانێ ژبو مانا ل سهر دهست ههلاتێ كێم دبينه و ئاماژه ب روخاندنا رژێما ئهيرانێ دكه .
مالپهرا جماران يا نوچهيان كو ب سهر بنهمالا خومهينێ ڤهيه لسهر زارێ حهسهن ئهلخوهميني نهڤيێ دامهزرينهرێ رژێما ئهيراني بلاڤ كريه كو تو گهرنتي تونهنه كو ئهوێ بمينن ل سهر دهست ههلاتا ئيرانێ و كهسێن دن ئانگو دژبهرێن وان نكارن بوان .
نهڤيێ ئهلخومێني ئهشكهركر كو بنهمايا درێژبونا دهست ههلاتێ ل وهلاتان رازيبونا گهله و تو گهرهنتي ل سهر مانا وان ل سهر دهست ههلاتێ تنونه .
حهسن سهرباكر كو رهوشا خراب يا كو ئيران تێره دهرباس دبه ژ نيفاق و گهندلهلي و بلاڤ بونا توند و تيژێ و وێران بونا كومهلگهها ئيراني ههمێ دهێله كو وهلاتێ دو روو ببن و ئهو يهك نه د بهرژوهنديا دهست ههلاتێ ده يه ژبهر كو وهلاتێن ئيراني تشتا د دلێ وانده بهروڤاژي تشتا كو ل سهر زمانێ وانه .
حهسن ئهلخومێني دبێژه زنگلێ مهترسي لێدايه ل ئيرانێ و ئهگهر ههيه گهلێ ئيرانێ لدژي وان راوهسته و رژێما وان بروخينه ژبهر كو ئهو ب شاخان ڤه مژول بونه و بنگهها سهركه ئانگو گهلێ ئيرانێ بخوه هاتيه ژ بيركرن .
سهرباري كو رهوش ژ دهست دهركهتيه مهبهستاوي رێڤهبري بلندي يي رژێما ئيراني عهلي خامنئي بوو .
د دهما بوريده فائزه رهفسهنجاني كهجا سهروكێ بهرێ يي ئيرانێ عهلي ئهكبهر هاشمي رهفسهنجاني بلاڤ كربو كو رهوشا ئيرانێ روژ بروژ تێك دچه و رژێما ئيرانێ بهرێ وێ ل روخاندنێ يه .
ژ ئاليێ خوهڤه مهحهمهد ردا تاجيك راوێژكارێ سياسي يي سهروكێ ئيرانێ يي بهرێ مهحهمهد خاتمي ژ روژنامهيا ئهلئعتيماد يا ئيراني ره راگههاندبو كو رهوش لئيرانێ وهكو رهوشا گهميا تايتانگه ژبهري كو بن ئاڤ ببه .
و سهرباركر ئيران وهكو گهميا تايتانگ بنهمايا وێ قهلسه و كهسێن كو برێڤهدبن شاش كاردكن ,و فهكتهرێن ژدهرڤه بهرێ وێ دده بنئاڤبونێ, و ئوژي رهوشا ئيرانێ يه ئهگهر رهوش ب وێ ئاواي بمينه وێ بنئاڤ ببه .
z.h
382