شلال گدو: پێشەرۆژا كوردستانا سووریێ تاری یە

سەركردەیەكی كوردێ سووریێ هشیاری دا دەربارێ كریارێن پەیەدێ و گۆت پێشەرۆژەك رەش هێڤییا رۆژئاڤایێ كوردستانێ یە، پەیەدی ژبۆ پاراستنا رۆژئاڤایێ كوردستانێ بانگ ل رێژیما ئەسەد دكە و دیالۆگێ ب كوردان رە ژی رەد دكە.

نوونەرەكی ئەنجومانا نشتیمانیا كوردی ل سووریێ (ئەنەكەسێ) د هەڤپەیمانییا نشتیمانی یا هێزێن شۆرەشی و ئۆپۆزسیۆنا سووریێ دە، ئیرۆ(31.12.2018)، د گۆتارەكی رۆژنامەڤانی دە، راگهاند كو پێشەرۆژا ناڤچەیێن كوردی د رۆژهلاتێ چەمێ فراتێ و كوردستانا سووریێ دە گەلەكی تاری و نەدیارە هەڤدەمی كو پەیەدێ بەردەوامە د كریارێن خوە دە دەربارێ مللەتی كورد دە، وهەروها پەیەدێ داخواز ل پەی داخوازێ ژ رێژیما ئەسەد رە دشینە لێ چ رێ نا دە چ جۆرە دانووستاندنەكێ كوردی كوردی ببە.

سكرتێرێ پارتیا چەپا دەمۆقراتی كوردی ل سووریێ وئەندامێ هەڤپەیمانیا نشتیمانی سووری، شەلال گدو، دەربارێ رەوشا باژاری منبجێ دە گۆت:" رەوشا باژاری منبجێ و رۆژهلاتێ چەمێ فراتێ گەلەكی ئالۆزە، ئەوژی د ئەنجاما بریارا سەرۆكی ئەمەریكا، دۆنالد ترامپ، كو دەربارێ ڤەكشینا هێزێن ئەمەریكی ژ تەڤاهییا سووریێ، وپشتی بریارێ، ناڤچەیێ ب تەڤاهیی پێشبركییەكە گەرم دناڤبەرا هێزێن چەكدار ل ناڤچەیێ دە دیت ژبۆ داگرتنا ڤێ ڤالەهییا كو ڤەكشینا هێزێن ئەمەریكا وی دورست بكە .

هەروها گۆت:" چ لهەڤتێگهشتنەك دناڤبەرا هەموو ئالییان دە چێ ببە ژی، لێ رۆلا سەرەكی دێ رۆلا رۆسیێ ل سووریێ دە بە، پشتی ڤەكشینا ئەمەریكا، ودێ كەس نكارە بێ رۆسیێ گاڤەكی باڤێژە چ ناڤچەیەكێ ، چ رێژیم بە یان ژی توركیێ بە ، ئارتێشا نشتیمانی یا ب ناڤێ ئارتێشا ئازاد بە ژی".

دەربارێ رەوشا هەرێما كوردی دە ژی، گدو ئانی زمان كو :" رەوش گرێدایە ب كار وكریارێن پەیەدێ وریڤەبەریا خوەسەر یا تەك ئالی، وئەگەر پەیەدێ بەردەوامە د كریارێن خوە ل دژی ئالیێن دن یێن كوردی دێ چارەنڤیس و پێشەرۆژا كوردستانا سووریێ رەشبە ود مەترسی و تارییەكێ دە بە ."

ر.ع

842