عه‌فرین .. بارانێ زیان گهاندیه‌ ده‌مسالا زه‌یتوونان

Dec 30 2018

چنینا دارێن زه‌یتوونان ل عه‌فرینا رۆژئاڤایێ كوردستانێ ژبه‌ر بارینا بارانێ ل سه‌رانسه‌ری هه‌رێمێ هاتیه‌ راوه‌ستاندن وئه‌و یه‌ك زیانه‌ك گهاندیه‌ جۆتكاران ژبه‌ر كو هین به‌رهه‌مێن وان د داران ده‌ مایه‌ و د ده‌ما بارانێ ده‌ زه‌یتوون دوشن و ب ئاڤێ ره‌ دچن وونادبن.

جۆتكاره‌كی ژ عه‌فرینێ ژ ئاركێ ئيرۆ 30/12/2018 ره‌ راگهاند كو ئه‌ڤه‌ ده‌مه‌كه‌ بارینا بارانێ ل عه‌فرینێ نه‌هاتیه‌ راوه‌ستاندن وگۆت ته‌ڤی كو باران خێروبێران ب خوه‌ ره‌ تێنه‌ لێ ده‌ما ب هێز ده‌باره‌ زیانێ دگهینه‌ چۆتكاران ژبه‌ر كو هین به‌رهه‌مێن وان د داران ده‌ مایه‌ وبارانا ب هێز به‌رهه‌مێ ل عه‌ردێ دخینه‌ وزه‌یتوون ب ئاڤ وله‌هیێ ره‌ دچن . وئه‌و ل به‌ندا راوه‌ستاندنا بارانێ نه‌ وزوابوونا زه‌ڤییان ‌ داكۆ داكه‌ڤن ناڤ زه‌ڤیێن خوه‌ وبه‌رهه‌مێن مایی‌ جاره‌كه‌ دن بچنن ول گوڤاژگه‌هان بكن زێت .

وی چۆتكاری هه‌روه‌ها سه‌ربار كر كو ل هن گوندان باران هاتیه‌ راوه‌ستان لێ ژبه‌ر شلبوون ونه‌زوابوونا زه‌ڤییان ئالاڤێن ڤه‌گوهه‌ستنێ وه‌ك تراكتۆر وئۆتۆمبێلان نكارن بچن ناڤ زه‌ڤییان له‌وما پرۆسه‌ هاتیه‌ راوه‌ستاندن .

نه‌ ب ته‌نێ چۆتكار زیان د ڤێ ده‌مێ ده‌ دیتنه‌ لێ خوه‌دیێ گوڤاژگه‌هان ژی زیانێ دبین ژ به‌ر كو كارێ وان هاتیه‌ راوه‌ستاندن خوه‌دیێ گوڤاژگه‌هه‌كه‌ ژ عه‌فرینێ ژ ئاركێ دا زانین كو د ڤێ ده‌مێ ده راستی گه‌له‌ك زیانێ هاتنه‌ ژ به‌ر كو رۆژانه‌ بۆدجه‌یێن كاركه‌ران ل سه‌ر وان تێ هژمارتن .

ژبلی وێ یه‌كێ چۆتكارێن عه‌فرینێ تو سوود ژ ده‌مسالا ئیسال 2018-2019 نه‌دیتن ژبه‌ر كو پرانییا به‌رهه‌مان ژ ئالیێ گروپێن چه‌كدار ڤه‌ هاتن دزین وده‌سته‌سه‌ركرن وستاندن وبه‌رهه‌مێ مایی‌ ب نه‌رخه‌كی ئه‌رزان تێ فرۆتن نه‌خاسم ته‌نه‌كه‌ێن زه‌یتێ ب 14 هه‌زار تێ فرۆتن وئه‌و نرخ نه‌رخه‌كی گه‌له‌ك كێمی ل به‌رامبه‌ر تێچوونا گوهدان وخزمه‌تا دارێن زه‌یتوونان.

ش.ع

667