بزانە ژ بەر چ رێژیما ئەسەد مەسروور بارزانی كرییە ناڤا لیستا تەرۆرا خوە دە ؟

مالپەرەكی راگهاندنا كوردی ئەو ڤیدیویە بلاڤ دكە كو بوییە سەدەم كو حكومەتا بەشار ئەسەد مەسروور بارزانی خستییە لیستا تەرۆرا خوە دە.

حكومەتا رێژیما سووریێ، مەسروور بارزانی راوێژكارێ ئەنجومانا ئاسایشا هەرێما كوردستانێ دكە ناڤ لیستا تەرۆرێ یا خوە دە و مالپەرا خواكورك ئەو ڤیدیوییە بلاڤ دكە كو بوییە سەدەما دەرخستنا ڤێ بریارا حكومەتا ئەسەد .

بەری چەند مهان، مەسروور بارزانی، راوێژكارێ ئەنجومانا ئاسایشا هەرێما كوردستانێ هات بەربژێركرن ژبۆ سەرۆكاتیا كابینەیا نوو یا حكوومەتا هەرێما كوردستانێ.

مەسروور بارزانی رۆلەك مەزن د گوهەرتنێن هەڤكێشەیێن ناڤچەیێ دە دلیزە و ل سەر ئاستا هەرێمێ ژی رۆلا وی ل بەر چاڤە، لەوما ژ نها ڤە هەولێن دورستكرنا ئاستەنگییان ژبۆ وی تێ كرن.

ل گۆر وێ گرتە ڤیدیویێ، دەما كو مەسروور بارزانی ب فەرمی سەردانا پەلەمانێ ئەورۆپا كر، یەك ژ رۆژنامەڤانێ ئەورۆپا پرسیار ژ مەسروور بارزانی كر " تە چ ژبۆ بەشار ئەسەد هەیە، ئەز دێ هەفتییا بێ بچە جەم وی، وئەزێ بگهینە وی " د بەرسڤێ دە، مەسروور بارزانی دبێژە:" ڤێ پرسیارێ ژ بەشار ئەسەد بكە، " بۆ چ كوردێن سووریێ بێ ناسنامەنە".

ئەڤ پرسیارا مەسروور بارزانی مینا پشتەڤانییەكێ ژبۆ كوردێن سووریێ هات هژمارتن ژبەر كوهەتا نها حكومەتا سووریێ ئامادە نینە ناسنامەیێ ژبۆ كوردێن سووریێ دورست بكە و دبینن كورد ل كوردستانا سووریێ پەنابەرن.

ڤێ بریارا رێژیما ئەسەد ، تورێن جڤاكی یێن چالاكڤانێن كورد و عەرەب ئاكتیڤ كرنە و رەخنەیێن جۆربجۆر راستێ حكومەتا رێژیما سووریێ هاتنە كرن .

ر.ع

653