د. عبدالحكيم بشار بهرسڤا رێژیما ئهسهد دده
پشتی راگهاندنا رێژیما سووریێ ژ 615 ناڤ و 105 كهیانان كو پشتگریا تهرۆرێ دكن و د كارێ سهختهكرنا پهرهیان ده كاردكن و دناڤ وان ناڤێ بهرێز مسرور بارزانی راۆێژكارێ ئهنجومهنا ئاسایشا ههرێما كوردستانێ وبهربژێرێ پارتیا دیمقراتی كوردستانێ پهدهكێ ژ بۆ سهرۆكاتییا حكومهتا ههرێما كوردستانێ ههیه ، دكتۆر عبدالحكیم بهشار ئهندامێ پۆلیتبیرۆیا پارتیا دهمقراتا كوردستان سووریا د ریا گۆتارهكێ ده بهرسڤا رێژیما ئهسهد دا ول ژێر ناڤنیشانا "كی تهرۆرێ ب پهره دكه و كی ل سهر سهختهكرنا پهریان ده كاركه" بهلاڤ كریه وبهرهوهردی ناڤبهرا بهشار ئهسهد و بهرێز مسرور بارزانی ده كریه .
د گۆتار ئیرۆ 30/12/2018 يا دكتۆر عبدالحكیم بشار ده هاتیه دهستهیا دژی سهختهكرنا پهرهیان و ب پهرهپێدانا تهرۆرێ ل سووریێ لیستهیهك ناڤخویی راگهاند تێده 615 كهس و 105 كهیان د ناڤ وان رهگهزنامهیێن عهربی و بیانی جودا ههنه ههروهها دناڤ وێ لیستهیێ ده ناڤێ مسرور بارزانی بهربژێرێ پارتی دیمقراتی كوردستانێ ژبۆ سهرۆكاتییا حكومهتا ههرێما كوردستانێ ههیه بهلاڤكریه .
ناڤبووری بهحسا بنپێكرن وكریارێن رێژیما ئهسهد وبهرهوهردیێ ناڤبهرا سهرۆكێ رێژیمێ و بهرێز مسرور بارزانی دكه ودبێژه .
1- بهشار ئهسهد 62 كهسایهتیێن ئیسلامی توندروا وتهرۆری ژ زیندانا سیدنایا ب لیبوورینهكه سهرۆكاتی سهربست بهردان و ئهو كهسایهتی د دامزراندنا رێخستنا داعشا تهرۆریست بهشدار كرن .
2- دهردۆرا 3 ملیۆن ژ ئاڤاهیێن نهشتهجیبوونێ ل سووریێ رووخاندن .
3- پرانییا ژێر خانهیا سووریێ رووخاند.
4- زێدهتر ژ نێڤی خهلكێ سووریێ ژ دهڤهرێن وان دهرخستن وبوونه دهربدهر وبهنابهر.
5- د دهما دهسههلاتداریا بهشار ده تهڤلیههڤی بوو نیشانا سهرهكه ژ سووریێ ره وبوو یهك ژ وهلاتێن نه ئارام ونهرحهتی د ئاستا جیهانێ كو سووریا بوو وهلاتهكی نه ئارام .
6- بازرگانی ب داعشێ ره د رییا ناڤبێكارییان یان ب شێوهیهكی زندی كر .
دكتۆر عبدالحكیم بهشار بهحسا بهشداركرنا بهرێز مسرور بارزانی د چارچۆڤهیا دهما وی ده دكه ودبێژه :
ل ههمبهر ده بهرێز مهسروور بارزانی راۆێژكارێ ئهنجومهنا ئاسایشا ههرێما كوردستانێ وبهربژێرێ پارتیا دیمقراتی كوردستانێ پهدهكێ ژ بۆ سهرۆكاتییا حكومهتا كوردستانێ وهها كار كر :
1مل بمل كێلهك سهرۆك مسعود بارزانی سهرپرهشتیا ئۆپهراسیۆنێن لهشكهری ل دژی داعشا تهرۆر وگرووپێن دن كر .
2كار ب سهرۆك مسعود بارزانی و بهرێز نێچیرڤان بارزانی د ئاڤاكرنا كوردستانێ بهشدار كر كو دهردۆرا 4500 گوند رووخاندی ههبوو وئهو گوند هاتن ئاڤاكرن ههروهها باژارۆكێن بچووك ڤهگوههستن ژبۆ بۆ باژارن شارستانی وپێشكهتی ول ههموو باژارێن كوردستانێ پێشكهتنا ئاڤادهنێ لێ چێبوویه .
3كار وبهشداری د پێشكهتنا ژێرخانهییا كوردستانێ كر .
4- كار ژبۆ ڤهحواندنا بێتر 250 ههزار ژ كوردێن كو ب دهستێ رێژیما ئهسهد و شهبیحهیێن وێ هاتبوون كۆچبهركرن كر ههروهها ملیۆنهك ژ وهلاتیێن عێراقی كو ب دهستێ ئالێگرێن رێژیمێ هاتبوون دهربدهركرن ڤهحوهند و ژ وان ره ئاشتی و خوران و دهرمان وكار دابین كر .
5- هشت كو ههرێما كوردستانێ جههك ژ ئاشتی و ئارامیێ به كو نها یهك ژ ئارامترین وهلات تێ دهستنیشانكرن نه ب تهنێ ل سهر ئاستا عێراقێ لێ بهلێ ل سهر ئاستا جیهانێ تهڤده تێ ناسكرن .
6- رێخستنێن تهرۆری ژ وان داعش تهرۆریست قهدهغهكر كو جهكی خوه د كوردستانێ ببینن یان ژێدهركه ئابووری وراگهاندنی ل وان دهران دابین بكن.
د داوییا گوتارا خوه ده دكتۆر عبدالحكیم بهشار ئهندامێ پۆلیتبیرۆیا پهدهكسێ بال كشاند سهر وێ یهكێ وگۆت : ئهو بهرهوهردی دهێله كو مرۆڤ ببێژه پێویسته بهرێز مسرور بارزانی خهلاتا نۆبل ژ بۆ رووبرووبوونا شهرێ داعشێ ودابینكرن وجیبجیكرنا ئهولكاری و ئاشتیێ وهرگره و ل ههمبهر ده دڤێ بهشار ئهسهد ژبۆ دادگهها تاوانێن ناڤدهولتی ل سهر كریارو تاوانێن وی د دهرحهقێ مرۆڤاهیێ ده ده وهره خوهستن شاندن.
ش.ع
المقال يعبر عن رأي الكاتب
797