165 سڤيل ل سه‌ر ده‌ستێ يه‌په‌گێ و هه‌ڤپه‌يمانيا ناڤده‌وله‌تى ل دێرا زورێ هاتن كوشتن
تورا سوری یا مافێ مروڤان راگهاند كو بیهتری سه‌د سڤیلی د هه‌یاما هه‌یڤه‌كێ ده ل پارێزگه‌ها دێرا زورێ ل سه‌ر ده‌ستێ هه‌ڤپه‌یمانیا ناڤده‌وله‌تى یا لدژی داعشێ هاتنه كوشتن .
تورا سوری یا مافێ مروڤان د راپورته‌كه خوه ده راگهاند كو 165 سڤیل د هه‌یاما هه‌یڤه‌كێ ده ل پارێزگه‌ها دێرازورێ ل سه‌ر ده‌ستێ په‌یه‌دێ وهه‌ڤپه‌یمانیا ناڤده‌لوه‌تی هاتنه كوشتن كو پرانیا وان ژن وزاروك بون.
راپورتا ناڤبوری ئه‌شكه‌ره كر كو ژ 11 ئه‌یلونا بوری وهه‌تا بیستی ڤێ مه‌هێ 153 سڤیل ل سه‌ر ده‌ستێ هه‌ڤپه‌یمانیا ناڤده‌وله‌تى یا لدژی داعشێ هاتن كوشتن دناڤ وان دده 71 زاروك و 29 ژن هه‌بون .
هه‌روه‌ها 12 سڤیلێن دناڤ وان دده 3 زاروك هه‌بون د ئیریشێن چه‌كدارێن قه‌سه‌دێ كو په‌یه‌دێ به‌شه‌كی سه‌ره‌كه‌نه تێده ل هه‌چین وده‌ردورا وێ هاتن كوشتن .
هه‌ر ده‌م وده‌مه‌كی هژماره‌ك مه‌زن ژ سڤیلان ل دێرا زورێ بتایبه‌تی وسووریێ بگشتی ل سه‌ر ده‌ستێ هه‌ڤپه‌یمانیا ناڤده‌وله‌تى یا ل دژی داعشێ ب شاشتی تێن كوشتن ده‌ما كو هه‌ول ددن كو چه‌كدارێن داعشێ توپاران بكن .
راپورتا ناڤبوری هه‌روه‌ها ته‌كه‌ز كر كو د ئیشریشا چه‌كدارێن په‌یه‌دێ ل سه‌ر پارێزگه‌ها دێرا زورێ هژماره‌ك مه‌زن ژ سڤیلان بون قوربانیا شه‌رێ دناڤبه‌را چه‌كدارێن داعشێ وچه‌كدارێن سوریایا دیموقراتیك .
به‌ریا چه‌ند روژان چه‌كدارێن قه‌سه‌دێ كو په‌یه‌دێ به‌شه‌كی سه‌ره‌كه‌یه تێده باژاروكێ هه‌ژین كونترول كر كو نه‌ها رێخستنا داعشێ بته‌نێ ل چار باژاروكێن بچوك بجه دبه ئه‌و ژی ئه‌ڤن سوسه وشعفه والبوحسن وباغوز .
376
