پارتی دەمۆقراتی كوردستان- سوریا پیرۆزباهی ل یەكیتی كوردستانی – سوریا كر

شاندەك ژ سەركردایەتیا پارتی دەمۆقراتی كوردستان – سوریا (پەدەكەسێ) رۆژا پێنج شەممێ(27.12.2018)، ب بۆنەیا ل دارخستنا كۆنگرێ وێ یێ هەشتێ وهلبژارتنا سەركردایەتیەك نوو، سەردانا پارتیا یەكیتییا كوردستانی – سوریا ل باژارێ قامشلۆ كر ,پیرۆزباهی پێشكێشی سەركردایەتیا نوو كر .

شاندا پارتی ژ ئەندامێن پۆلیتبیروویێ وكۆمیتا ناڤەندی( بشار امین، الدكتور لازكین فخری، محسن طاهر، نافع عبدالله، حسن رمزی، وعبدالرحمن عبطان) پێك هاتبوو.

د پێشوازییا شاندا پارتی دە، هەر یەك ژ سكرتێرێ یەكیتی سلیمان اوسو و هەردو ئەندامێن كۆمیتا سیاسی معروف ملا احمد و مجدل دلی بوون.

شاندا پارتی ، پیرۆزباهییا ل دارخستنا یەكیتیێ ل سەركردایەتیا وێ كر و رەوشا چاواەنییا ل دارخستنا كۆنگرێ وان ومیكانیزما ل ب رێڤەچوونا كۆنگرێ دگەل سەركردایەتیا یەكیتی گۆتوبێژ كر.

رەوشا كوردستانا سووریێ و سووریێ بگشتی د دەما نها دە، بەشەكی دن یێ جڤاتا هەردو ئالییان بوو.

جڤاتێ بەحسا رەوشا ئەنەكەسێ و چاوەنییا ئاكتیڤكرنا وێ و پێشختنا وێ و دەزگەهێن وێ ژی كرن.

كۆنگری هەشتان یێ پارتییا یەكیتییا كوردستانی – سوریا د رۆژا یەكشممێ (23.12.2018) ب ئاوایەكی نوو ل باژاری قامشلۆ و سیستەمەكێ ئەلیكترونی د ریێا ژۆریێن سكایبی رە هات ل دارخستن و تێدە سكرتێرەكی نوو و جێگرێ وی و 19 ئەندامێن كۆمیتا سیاسی هاتن هلبژارتن.

ر.ع

672