رێژيما سووريێ دهرباسى منبجێ بو
هندهك میدیایێن توركی وسوری راگهاندن كو چهكدارێن رێژیما سووریێ دوه دهرباسی روژئاڤایێ باژارێ منبج بون پشتی پێكئانینا جڤینان ل گهل چهكدارێن پهیهدێ .
ژێدهرێن ناڤبوری راگهاندن كو كاروانهك لهشكهری ب سهر رێژیما سووریێ كو ژ 40 ئوتوبیلی پێك دهات و دوو تانكهر وبارهلگرێن چهكان دهرباسی باژاروكێ العریمه ل گوندهوارێ باژارێ منبج بون .
ههر ل گوری زانیاریان كو ئهڤ دهرباسبون هات پشتی جڤینهك بچوك دناڤبهرا رێژیما سووریێ وسهركردهیێن چهكدارێن پهیهدێ كو د ئهنجام ده چهكدرێن پهیهدێ باژاروكێ العریمه رادهستی رێژیمێ كرن .
باژاروكێ عریمه ل خهتا دناڤبهرا گروپێن چهكدار یێن ب سهر توركیێ ڤه وچهكدارێن ئهنجومهنا منبج یا لهشكهری كو پهیهدێ ئهو ل منبجێ دامهزراندیه دكهڤه.
ژ ئالیێ خوه ڤه بهردهفكێ بناڤێ ئهنجومهنا منبج یا لهشكهری دهرباسبونا هێزێن رێژیمێ ژ بو روژئاڤایێ منبجێ ئهرێ كر .
بهردهفكێ بناڤێ ئهنجومهنا منبج یا لهشكهری شهرڤان دهرویش ژ ئاژانسا رویتهرز ره راگهاند كو چهكدارێن رێژیما سووریێ ب پشتگریا هێزێن روسی بهرڤ باژاروكێ منبج ڤه هاتن .
دهرویش ئهشكهره كر كو ئهڤ هرباسبون هات پشتی ههماهنگیێ ب ئهنجومهنا منبج یا لهشكهری كو دكهڤه وارێ ههڤدانا چهكداران دهڤهرێ ده .
دهرویش ههروهها راگهاندن كو ب هاتنا چهكدادرێن رێژیما سووریێ ناڤهندا ههماهنگیا سوری روسی ڤهدگهره كارێ خوه ل عریمه كو بهریا نهها ل ور بجه بوبون بهریا كو خوه ڤهكشینن .
535
