مهلا بهختيار: مه بانگا يهكرێزيێ ب پارتيێن دن ل پهيهدێ كر لێ گوهێ خوه نه ددان مه
بهرپرسێ دهستهیا رێڤهبر یا پولیتبیرویا یهكیتی نشتمانى كوردستانی مهلا بهختیار راگهاند كو كارهساتهك مهزن وێ روبده ل كوردستانا سووریێ پشتى ڤهكشاندنا هێزێن ئهمریكى ژ سووریێ وئهشكهره كر كو وان ههر دهم بانگا یهكرێزیێ ل پهیهددێ دكرن لێ گوهێ نه ددان وان .
د ههڤدیتنهكه تهلهڤزیونى ده مهلا بهختیار دیار كر كو پێشهروژا كوردسدتانا سووریێ د مهترسیێ ده یه, بتايبهت پشتی ڤهكشاندنا ئهمریكی ژ سووریێ وئهكشهره كر كو گهرهك سهروكێ ئهمهریكا ئهڤ بریار نه ستاندنبا .
بهختیار بهردهوام كر وگوت مه گهلهك جاران بانگا یهكرێزیێ وچارهسهركرنا كێشهیان دناڤبهرا پهیهدێ وپارتیێن دن ده كر لێ مخابن ئهم بسهر نهكهتن تهڤی كو ههر دهم مه ژ وان ره دیاركر كو رێڤهبهریا یهك ئالی وئاڤاكرنا ئهیدولوجیهك تایبهت وبلندكرنا ئال و وینهیێن تایبهت ب ئالیهكی سیاسی ب سهر ناكهڤه .
مهلا بهختیار سهباركر وگوت بهرامبهرێ گوتنێن مه ژ پهیهدێ ره , گهلهك جاران ئاخافتن وشیرهتێن مه پشتگوه دخستن وگهلهك جاران گوهێ نه دان مه ژی .
دهربارێ پێشهروژا كوردستانا سووریێ مهلا بهخیتار دیاركر كو ئهز باوهر ناكم كو پێشهروژا كوردستانا سووریێ وهك یا ههرێما كوردستانێ به , تهڤی كو ئهز هیڤی دكم كو ولو ببه لێ ئهگهر روسیا وفهرهنسا وئهلمانیا پشتگریا پروژهیهك نو كرن ودانوستاندنێن جنیڤ هاته ئهگتیڤ كرن وێ دهمێ ئهز دبێژم بهلكێ خوه ژ كارهساتێ ب پارێزن .
دهربارێ سهرهدانا بهرپرسێن پهیهدێ ژ فهرهنسا ره مهلا بهختیار دیار كر كو بهریا فهرهنسا روسیا خودان رولهك گرنگه ل سووریێ ههروها ئیران ژی رولهك وێ ههیه وبلا ئهم ژ بیر نهكن عیراق ژی دكاره رولهكی بلیزه , پیویسته پهیوهندی ب ههمی ئالیان ره ههبه .
مهلا بهختیار دیاركر كو پارتی دیموقراتی كوردستان ویهكیتى نشتمانى كوردستان ژی دكارن رولهكی بلیزن د پێشهروژا كوردستانا سووریێ ده كوب گوتنا سهروك مهسعود بارزانى داخویانیهك خهمخواریێ بهلاڤكر و لگوری زانیاریێن من ئهو ل سهر چارهسهریهكرنا رهوشێ دخهبته وئهكشهره كر كو وان ژى ژ ئالیێ خوه ڤه وهكو یهكیتى نشتمانى كوردستانى داخویانیهك بهلاڤ كرن وكار ل سهر چارهسهركرنا رهوشی دكن .
د داویا ئاخافتنا خوه ده مهلا بهختیار راگهاند كو پیویسته ههمو پارتیێن ههرێما كوردستانێ دداخویانیان بهلاڤ بكن تێده بانگا چارهسهریا سیاسی ل كورستانا سووریێ بكن پشتره شاندهك ههڤبهس ژ ههرێما كوردستانێ وهره پێكئانین وسهرهدانا وهلاتێن جیهان ودهڤهرێ بكه ژ بو دیاركرنا ههلوهستا وان وتهكهز كر كو سهروك بارزانی دكاره ب رولهك مهزن رابه ژ بو پێكئانینا ڤێ شاندێ وپێكئانینا ههمی جڤینان ل ههولیرێ ودیار كر كو پیویسته ههمی ئالی ئالیكاریا وی بكن ڤێ یهكێ ده .
686
